پرەمەر- مينيستر شىعىس قازاقستان جانە الماتى وبلىستارىنىڭ جولدارىنداعى قۇرىلىس جۇمىستارىنىڭ قارقىنىن ارتتىرۋدى تاپسىردى
اياگوز قالاسىندا ۇكىمەت باسشىسىنا «تالدىقورعان - وسكەمەن» (768 ك م)، «قالباتاۋ - مايقاپشاعاي» (415 ك م) جانە «ءۇشارال - دوستىق» (180 ك م) اۆتوموبيل جولدارىن رەكونسترۋكسيالاۋ بارىسى تۋرالى باياندالدى. پرەمەر- مينيستر شىعىس قازاقستان جانە الماتى وبلىستارىنىڭ جولدارىنداعى قۇرىلىس جۇمىستارىنىڭ قارقىنىن ارتتىرۋدى تاپسىردى. بۇل رەتتە ۇكىمەت باسشىسى قۇرىلىپ جاتقان كولىك ينفراقۇرىلىمىنىڭ ساپاسىن قامتاماسىز ەتۋدىڭ جانە ونى ۋاقىتىلى پايدالانۋعا بەرۋدىڭ ماڭىزىن اتاپ ءوتتى.
سونىمەن قاتار اياگوز اۋدانىندا ا. مامين «KAZ Minerals Aktogay» ج ش س كەڭەيتۋ جوباسىمەن تانىستى. بيىل سۋلفيدتى كەندى وڭدەيتىن اقتوعاي Ⅱ بايىتۋ فابريكاسىنىڭ قۇرىلىسىن اياقتاۋ جوسپارلانعان. ينۆەستيتسيا كولەمى 514,6 ميلليارد تەڭگەنى ($1,2 ميلليارد) قۇرايدى. 1 مىڭ جاڭا جۇمىس ورنى قۇرىلادى. جوبانى ىسكە اسىرۋ 2022-2027 -جىلدارى كاسىپورىن وندىرەتىن مىس كولەمىن جىلىنا 125 مىڭ توننادان 200 مىڭ تونناعا دەيىن ۇلعايتۋعا جانە كەنىشتى الەمدەگى ەڭ ءىرى كەن ورىندارىنىڭ قاتارىنا شىعارۋعا مۇمكىندىك بەرەدى. اقتوعاي كەن ورنىندا سونداي- اق وكسيدتى كەندەردى قايتا وڭدەۋ كەشەنى جۇمىس ىستەيدى، وندا 2024 -جىلعا دەيىن جىل سايىن 20 مىڭ توننا كاتودتى مىس ءوندىرۋدى قامتاماسىز ەتۋ جوسپارلانىپ وتىر.
گلۋبوكوە اۋدانىنىڭ سولنەچنوە اۋىلىندا ۇكىمەت باسشىسى «مايلى داقىلداردىڭ تاجىريبەلىك شارۋاشىلىعى» ج ش س (م د ت ش) تاۋارلى- ءسۇت فەرماسىن، ەگىس الاڭدارىن جانە اۋىل شارۋاشىلىعى تەحنيكاسىن قاراپ شىقتى. 2020 -جىلى كاسىپورىن 13 مىڭ توننا ءسۇت جانە 300 توننا سيىر ەتىن ءوندىردى. ءوندىرىستى جاڭعىرتۋ اياسىندا 2022-2025 -جىلدارى جالپى ءسۇت ساۋۋدى تاۋلىگىنە 40 توننادان 100 تونناعا دەيىن ارتتىرۋ جوسپارلانىپ وتىر. م د ت ش ق ر- داعى الدىڭعى قاتارلى تۇقىم ءوسىرۋ شارۋاشىلىقتارىنىڭ ءبىرى. وتكەن جىلى اۋىل شارۋاشىلىعى داقىلدارىنىڭ تۇقىمدارىن ساتۋ بويىنشا ج ش س 1-ورىنعا يە بولدى (10 مىڭ توننا تۇقىم). وتكەن 5 جىلدا بارلىق وسىرىلەتىن اۋىل شارۋاشىلىعى داقىلدارى بويىنشا ورتاشا ونىمدىلىك گەكتارىنا 4,3 توننانى قۇرادى. كاسىپورىن سولنەچنوە اۋىلىندا جالپى اۋدانى 3,7 مىڭ ش. م. از قاباتتى تۇرعىن ۇيلەر كەشەنىن سالۋ ارقىلى «اۋىل - ەل بەسىگى» جوباسىن ىسكە اسىرۋعا بەلسەندى قاتىسادى.
سەمەي قالاسىندا پرەمەر- مينيستر «Qazaq astyq group» ج ش س ماي ەكستراكتسيالىق زاۋىتىنىڭ كۇنباعىس تۇقىمىن قايتا وڭدەۋ جەلىسىنىڭ جۇمىسىن ىسكە قوستى. ينۆەستيتسيانىڭ جالپى سوماسى - 13 ميلليارد تەڭگە. كاسىپورىننىڭ قۋاتى - تاۋلىگىنە 1000 توننا كۇنباعىس تۇقىمىن نەمەسە 800 توننا راپس/زىعىر تۇقىمىن قايتا وڭدەۋ. كاسىپورىندا 300-دەن استام تۇراقتى جۇمىس ورنى اشىلدى. زاۋىت قازاقستاننىڭ وسىمدىك مايىنا دەگەن ىشكى قاجەتتىلىگىن قامتاماسىز ەتەدى، ونىڭ ونىمدەرى سىرتقى نارىققا دا ەكسپورتتالادى.
ا. مامين قازاقستانداعى راديوفارمپرەپاراتتار وندىرۋدەن جانە ولاردى ونكولوگيالىق اۋرۋلاردى ەرتە دياگنوستيكالاۋدا قولدانۋدان باستاپ، پاتسيەنتتەرگە راديونۋكليدتىك تەراپيا جۇرگىزۋگە دەيىنگى تولىق سيكلدى يادرولىق مەديتسينانىڭ جالعىز مەديتسينالىق مەكەمەسى - «سەمەي ق. يادرولىق مەديتسينا جانە ونكولوگيا ورتالىعىنا» باردى.
ۇكىمەت باسشىسى سونداي- اق قازاقستاندا العاش رەت بالالار مەن ەرەسەكتەردى وڭالتۋ تەحنولوگياسى - «h/p/cosmos locomotion» قولدانىلعان، بيىل قالادا اشىلعان « iv plusكلينيكاسىنىڭ» قىزمەتىمەن تانىستى. مۇندا اعزانىڭ فيزيولوگيالىق جانە موتورلىق فۋنكتسيالارىن قاداعالاۋدىڭ ەلەكتروندىق جۇيەلەرىن پايدالاناتىن سيفرلىق پلاتفورماداعى ەلىمىزدەگى العاشقى مەديتسينالىق وڭالتۋ ورتالىعى اشىلدى. بيىلعى جىلدىڭ 4 ايىنىڭ قورىتىندىسى بويىنشا شىعىس قازاقستان وبلىسىندا ونەركاسىپ ءوندىرىسىنىڭ كولەمى 2020 -جىلدىڭ سايكەس كەزەڭىمەن سالىستىرعاندا % 6,7- عا - 860,8 ميلليارد تەڭگەگە دەيىن ءوستى. اۋىل شارۋاشىلىعىنىڭ جالپى ءونىمىنىڭ كولەمى 93,8 ميلليارد تەڭگەنى (%2,1+)، قۇرىلىس جۇمىستارىنىڭ كولەمى - 51,6 ميلليارد تەڭگەنى (%5,6+) قۇرادى. نەگىزگى كاپيتالعا سالىنعان ينۆەستيتسيالار 177,6 ميلليارد تەڭگەگە جەتتى (%6,8+).
جۇمىس ساپارىنا شىعىس قازاقستان وبلىسىنىڭ اكىمى دانيال احمەتوۆ، يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ، اۋىل شارۋاشىلىعى ءمينيسترى ساپارحان وماروۆ، قارجى ءمينيسترى ەرۇلان جاماۋبايەۆ، دەنساۋلىق ساقتاۋ ءمينيسترى الەكسەي سوي، توتەنشە جاعدايلار ءمينيسترى يۋريي يلين قاتىستى.
