ەلباسى ە ا ە و جۇمىسىنا شاڭحاي ىنتىماقتاستىق ۇيىمىن تارتۋدى ۇسىندى
«كەيبىر ەلدەر ءوز ىشىندە تۇيىقتالا باستادى. مەملەكەتارالىق قارىم- قاتىناستار ناشارلاپ، ساۋدا باسەڭدەدى، ءوزارا كەدەرگىلەر كوبەيدى. ءبىز جاھاندىق سيپاتتاعى ءارى سىرتقى سپەتسيفيكالىق قىسىمدارمەن بايلانىستى قيىندىقتاردان وتتىك. ءبىزدىڭ وداقتىڭ جەكەلەگەن قاتىسۋشىلارى سول سىناقتاردىڭ نىسانىنا اينالعان كەزدەر بولدى. ءبىزدىڭ ينتەگراتسيانىڭ تىعىز ىسكە اسۋىن قالامايتىن كۇشتەر بار. ونداي ۋاجدەرگە بەرىلۋگە بولمايدى»، - دەگەن ەلباسى بىرنەشە باعىتقا كوڭىل ءبولۋدىڭ ماڭىزدى ەكەنىن اتادى.
«ءبىرىنشىسى - الەۋمەتتىك ينفراقۇرىلىم. جاقىن جىلداردا ءدارى- دارمەك پەن مەديتسينالىق بۇيىمداردىڭ نارىعىن تولىق قۇرۋ قاجەت. ەكىنشىسى - ازىق- تۇلىك قاۋىپسىزدىگى مەن اگروونەركاسىپ ساياساتى. بۇل باعىتتاعى كووپەراتسيانى جەدەلدەتىپ، ازىق- تۇلىك تاپشىلىعىنا جول بەرمەي، بۇكىل كەڭىستىكتە بيزنەستىڭ دامۋىنا مۇمكىندىك جاساۋ كەرەك. ساراپشىلاردىڭ ايتۋىنشا، بۇل جىلدارى بانكتەردە قالىپتاسقان 10 تريلليوندىق ينفلياتسيا جالپى ينفلياتسيا تۋىنداتاتىنى انىق»، - دەدى نۇرسۇلتان نازاربايەۆ.
تۇڭعىش پرەزيدەنت ە ا ە و الەۋەتىن ەۋروپا مەن ازيا نارىعىنىڭ اراسىنداعى كوپىر رەتىندە پايدالانۋ ۇسىنىسى ءالى وزەكتى ەكەنىن اتادى.
«ءبىزدىڭ وداقتا ءوز اۋماعىمىزداعى ەلدەردىڭ تۇرعىندارىن قامتاماسىز ەتۋ ءۇشىن ءبارى بار. تەك دۇرىس جوسپارلاپ، دۇرىس كووپەراتسيا جاساپ، دۇرىس بايلانىس ورناتۋ ارقىلى ءوز اۋماعىمىزدا بار دۇنيەمەن وزگە ەلدەردى قامتاماسىز ەتۋىمىز كەرەك. جۋىقتا ازىق- تۇلىك تاپشىلىعىن مىندەتتى تۇردە سەزىنەمىز. سىرتقى بايلانىستار ماڭىزدى. بۇعان دەيىنگى وتىرىستاردا ايتقانىمىزداي، ەۋروپا مەن ازيا نارىقتارىنىڭ ساۋدا كوپىرى جوباسىن ىسكە اسىرىپ، بۇل ىسكە شاڭحاي ىنتىماقتاستىق ۇيىمىن دا كىرىستىرۋىمىز كەرەك»، - دەدى ەلباسى.
اۆتور: ەسىمجان ناقتىباي
