لوكداۋن كەزەڭىندە ە ا ە و- داعى ساۋدا كەدەرگىلەرىنىڭ سانى ارتىپ كەتتى – توقايەۆ
«بىزگە مەرزىمى جەتكەن پروبلەمانى - ءوزارا ساۋداداعى كەدەرگىنى شەشۋ قاجەت. لوكداۋن كەزەڭىندە ولاردىڭ سانى ارتىپ كەتتى. ەكونوميكالىق بەلسەندىلىك قالپىنا كەلگەننەن كەيىن دە ول وزدىگىنەن جويىلىپ كەتپەيتىندىگىنە قاۋىپ تە بار. اتالعان شەكتەۋلەر ساۋدا- ەكونوميكالىق قارىم- قاتىناستىڭ دامۋىنا زيانىن تيىگىزەدى، وداقتىڭ ءوسىمى مەن دامۋ الەۋەتىن شەكتەيدى»، - دەدى قازاقستان پرەزيدەنتى.
مەملەكەت باسشىسى قازاقستان جانە وداققا مۇشە قالعان ەلدەر نارىق قاتىسۋشىلارىنىڭ بارلىعى ءۇشىن تەڭ مۇمكىندىك جاساۋدى ءارى كەمسىتۋشىلىك جاعدايلار بولدىرماۋدى قولدايدى.
«كوميسسيانىڭ كەدەرگىلەرمەن كۇرەسى توقتاۋسىز سيپاتقا يە. ءبىراق، بۇل جۇمىستى ەرەكشە ءتيىمدى دەپ ايتا المايسىڭ. بۇل - ۇلتتىق دەڭگەيدە سالداردى شەشۋمەن كۇرەس. وسىلاي ايتۋعا بولاتىن بولسا، وندا بارىنشا پريەۆەنتيۆتى وداقتىق پوزيتسيانى ەكونوميكالىق ينتەگراتسياعا جاۋاپتى مينيسترلىكتەر ءبىلدىرۋى ءتيىس دەپ سانايمىز. اتالعان كەدەرگىلەر مەن شەكتەۋلەر ەنگىزىلەتىن ءتيىستى نورماتيۆتىك- قۇقىقتىق اكتىلەردى ازىرلەۋ كەزەڭىندە قارسىلىق ءبىلدىرىپ، قورعاۋ قاجەت. بىزگە كەدەرگىلەردى مونيتورينگىلەۋدىڭ ۇلتتىق جۇيەسىن قۇرۋ جانە وداقتىڭ ىشكى نورماتيۆتىك- قۇقىقتىق اكتىلەرىنە سايكەستىگىن ويلاستىرۋ قاجەت. بۇل رەتتە دە كەڭەس، كوميسسيا مۇشەلەرىنىڭ، ۆيتسە- پرەمەرلەردىڭ، ۇكىمەتتىڭ ءرولى ۇلكەن»، - دەدى قاسىم- جومارت توقايەۆ.
ەۋرازيالىق ەكونوميكالىق وداققا مۇشە ەلدەردىڭ بارلىعىنىڭ پرەزيدەنتتەرى ونلاين رەجيمدە قاتىسىپ وتىرعان ءىس- شارا بارىسىندا وداقتىڭ ىشكى نارىعىنداعى كەدەرگىلەردى جويۋ، وسى ۋاقىتقا دەيىن اتقارىلعان جۇمىستاردىڭ قورىتىندىسى، 2020 -جىلعى حالىقارالىق قىزمەتتىڭ نەگىزگى باعىتتارىنىڭ ىسكە اسىرىلۋى سىندى ماسەلەلەر قاراستىرىلماق.
مۇنان بولەك، ج ە ە ك- كە قاتىسۋشى ەلدەردىڭ باسشىلارى مۇشە مەملەكەتتەردىڭ 2021-2022 -جىلدارعا ارنالعان ماكروەكونوميكالىق ساياساتىنىڭ نەگىزگى باعدارى، مەديتسينالىق ماقساتتا پايدالانۋعا ارنالعان فارماتسيەۆتيكالىق سۋبستانتسيالار مەن ءدارى- دارمەك ءوندىرىسى سالاسىنداعى ىنتىماقتاستىق تۋرالى ماسەلەلەردى قوزعايدى.
وتىرىستا جوعارى ەۋرازيالىق ەكونوميكالىق كەڭەستىڭ قۇرمەتتى ءتوراعاسى، قازاقستاننىڭ تۇڭعىش پرەزيدەنتى - ەلباسى نۇرسۇلتان نازاربايەۆ، رەسەي فەدەراتسياسىنىڭ پرەزيدەنتى ۆلاديمير پۋتين، بەلارۋس رەسپۋبليكاسىنىڭ پرەزيدەنتى الەكساندر لۋكاشەنكو، قىرعىز رەسپۋبليكاسىنىڭ پرەزيدەنتى سادىر جاپاروۆ، ارمەنيا رەسپۋبليكاسى پرەمەر- ءمينيسترىنىڭ مىندەتىن اتقارۋشى نيكول پاشينيان، ەۋرازيالىق ەكونوميكالىق كوميسسيا القاسىنىڭ ءتوراعاسى ميحايل مياسنيكوۆيچ ءسوز سويلەيدى دەپ كۇتىلەدى. سونداي- اق كۋبا رەسپۋبليكاسىنىڭ پرەزيدەنتى ميگەل دياس- كانەل جانە وزبەكستان رەسپۋبليكاسىنىڭ پرەزيدەنتى شاۆكات ميرزييەۆ جوعارى ەۋرازيالىق ەكونوميكالىق كەڭەس جانىنداعى باقىلاۋشى- مەملەكەت باسشىلارى رەتىندە قاتىسۋدا.
اۆتور: مارلان جيەمباي
