ءبىرقاتار مەملەكەت باسشىلارى قازاقستان پرەزيدەنتىن تۋعان كۇنىمەن قۇتتىقتادى

نۇر-سۇلتان. قازاقپارات - قاسىم-جومارت توقايەۆتىڭ تۋعان كۇنىنە وراي شەت مەملەكەتتەردىڭ باسشىلارىنان، پارلامەنت ءتوراعالارىنان، ۇكىمەت باسشىلارىنان جانە شەتەلدىك مەملەكەتتىك ورگانداردىڭ، حالىقارالىق ۇيىمدار مەن ديپلوماتيالىق ميسسيالاردىڭ، كوممەرتسيالىق مەكەمەلەردىڭ جەتەكشىلەرىنەن، شىعارماشىلىق جانە عىلىمي زيالى قاۋىم وكىلدەرىنەن قۇتتىقتاۋلار كەلىپ جاتىر، دەپ حابارلايدى اقوردانىڭ باسپا ءسوز قىزمەتى.

رەسەي پرەزيدەنتى ۆلاديمير پۋتين، وزبەكستان پرەزيدەنتى شاۆكات ميرزيەيەۆ، قىرعىزستان پرەزيدەنتى سادىر جاپاروۆ، تاجىكستان پرەزيدەنتى ەمومالي راحمون، ازەربايجان پرەزيدەنتى يلحام اليەۆ، سونداي-اق، رەسەيدىڭ فەدەرالدىق جينالىسى فەدەراتسيا كەڭەسىنىڭ ءتوراعاسى ۆالەنتينا ماتۆيەنكو قاسىم-جومارت توقايەۆتى تۋعان كۇنىمەن تەلەفون ارقىلى قۇتتىقتادى.

سونىمەن قاتار قازاقستان پرەزيدەنتىنىڭ اتىنا ق ح ر ءتوراعاسى شي جينپيڭ، يتاليا پرەزيدەنتى سەردجو ماتتارەللا، بەلارۋس پرەزيدەنتى الەكساندر لۋكاشەنكو، تۇرىكمەنستان پرەزيدەنتى گۋربانگۋلى بەردىمۇحامەدوۆ، ۋكراينا پرەزيدەنتى ۆلاديمير زەلەنسكي، ارمەنيا پرەمەر-ءمينيسترىنىڭ مىندەتىن اتقارۋشى نيكول پاشينيان، بۇدان بولەك، رەسەي ۇكىمەتىنىڭ ءتوراعاسى ميحايل ميشۋستين، رەسەي فەدەراتسياسى مەملەكەتتىك دۋماسىنىڭ ءتوراعاسى ۆياچەسلاۆ ۆولودين، تاتارستان پرەزيدەنتى رۋستام ميننيحانوۆ، ت م د اتقارۋ كوميتەتىنىڭ ءتوراعاسى - اتقارۋشى حاتشىسى سەرگەي لەبەديەۆ، ەۋرازيالىق ەكونوميكالىق كوميسسيا القاسىنىڭ ءتوراعاسى ميحايل مياسنيكوۆيچ، ۇجىمدىق قاۋىپسىزدىك شارت ۇيىمىنىڭ باس حاتشىسى ستانيسلاۆ زاس، شاڭحاي ىنتىماقتاستىق ۇيىمىنىڭ باس حاتشىسى ۆلاديمير نوروۆ، ەكونوميكالىق ىنتىماقتاستىق ۇيىمىنىڭ باس حاتشىسى حادي سۇلەيمانپۋر، ب ۇ ۇ- نىڭ جەنيەۆاداعى شتاب-پاتەرىنىڭ باس حاتشىسى تاتيانا ۆالوۆايا جانە باسقالار قۇتتىقتاۋ جەدەلحاتتارىن جولدادى.