ەلباسى پرەزيدەنت قاسىم- جومارت توقايەۆتىڭ ساياساتى تۋرالى پىكىر ءبىلدىردى

دەپ حابارلايدى قازاقپارات ءتىلشىسى.

«قازىرگى كەزدە قازاقستان جاڭا جاۋاپكەرشىلىكتى كەزەڭگە اياق باسىپ وتىر. ول پاندەميا، جاھاندىق ەكونوميكادا داعدارىستىق قۇبىلىستاردىڭ كۇشەيۋى، الدىڭعى قاتارلى الەمدىك ويىنشىلاردىڭ گەوساياسي باسەكەلەستىگىنىڭ ۋشىعۋى كەزەڭىمەن سايكەس كەلدى. وسى جانە باسقا دا قولايسىز جاعدايلار ءبىزدىڭ مەملەكەتتىڭ دە دامۋىنا ءوزىنىڭ تەرىس اسەرىن تيگىزبەي قويمايدى. بۇل جاعدايدا ەلىمىزدىڭ پرەزيدەنتى قاسىم- جومارت توقايەۆ جان- جاقتى تۇگەندەلگەن، سىندارلى ساياساتتى جۇرگىزۋدى جالعاستىرىپ كەلە جاتقانىنا سەنىمدىمىن. سوندىقتان ءبىز وسى قادامداردى قولداۋىمىز كەرەك. بۇل ساياسات بارشا قازاقستاندىقتاردىڭ مۇددەسىنە جانە ۇلتىمىزدىڭ ارى قاراي دامۋى ماقساتتارىنا قىزمەت ەتىپ جاتىر»، - دەدى ن. نازاربايەۆ.

ق ر تۇڭعىش پرەزيدەنتى ەلىمىزدە كاسىپورىندار سالىنىپ، جاڭا قالالار تۇرعىزىلىپ جاتقانىن باسا ايتتى.

«ءبىز كاسىپورىندار سالىپ، جاڭا قالا تۇرعىزىپ جاتىرمىز. كاسپيي تەڭىزىندە قازاقستاندىق ريۆەرا سالاتىن بولامىز. مىڭ ادامعا ارنالعان ءبىر قوناق ءۇي الەمدەگى كەز كەلگەن قوناق ۇيدەن جاقسى. انتاليادان دا جاقسى. تاعى وسىنداي 3 كەشەن سالىنىپ، قازاقستاندىق ريۆەرا جاسالادى. ءبىز مۇنى پاندەميا جاعدايىندا دا ىسكە اسىرامىز. بۇل دۇرىس تا. ەرتەڭگى كۇن تۋادى جانە ءبىز دايىن بولامىز»، - دەدى نۇرسۇلتان نازاربايەۆ.

بۇدان بۇرىن حابارلانعانداي، بۇگىن ەلباسىنىڭ توراعالىعىمەن قازاقستان حالقى اسسامبلەياسىنىڭ «بىرلىكتىڭ، تاتۋلىق پەن كەلىسىمنىڭ 30 جىلى» اتتى XXIX سەسسياسى ءوتىپ جاتىر. نۇرسۇلتان نازاربايەۆ الەم ەلدەرىنىڭ قازاقستانعا قاتىستى سەنىمى تۋرالى دا ايتقان بولاتىن.

اۆتور: رۋسلان عابباسوۆ