نۇرسۇلتان نازاربايەۆ ق ح ا ءتوراعاسى لاۋازىمىن قاسىم- جومارت توقايەۆقا تاپسىردى
نۇر- سۇلتان. قازاقپارات - بۇگىن قازاقستان حالقى اسسامبلەياسىنىڭ ⅩⅨ سەسسياسىندا ق ر تۇڭعىش پرەزيدەنتى - ەلباسى نۇرسۇلتان نازاربايەۆ ق ح ا ءتوراعاسى لاۋازىمىنان باس تارتتى، دەپ حابارلايدى قازاقپارات ءتىلشىسى.
سەسسيانى قورىتىندىلاي كەلە ەلباسى ق ح ا ءتوراعاسى لاۋازىمىن ەلدىڭ ءىس باسىنداعى پرەزيدەنتى اتقارۋى تيىستىگىن اتاپ ءوتتى.
«قازاقستان رەسپۋبليكاسىنىڭ تۇڭعىش پرەزيدەنتى - ەلباسى تۋرالى» كونستيتۋتسيالىق زاڭعا، اسسامبلەيا تۋرالى زاڭعا سايكەس ماعان قازاقستان حالقى اسسامبلەياسىنىڭ ءتوراعاسى لاۋازىمىن ءومىر بويى اتقارۋ قۇقىعى بەرىلگەن. جالپى، مەن سىزدەرمەن بارلىق ۋاقىتتا بىرگە بولامىن ءارى ودان باس تا تارتپايمىن. دەگەنمەن، اسسامبلەيانى باسقارۋعا قاتىستى ءبىرقاتار قۇزىرەت ەلىمىزدىڭ پرەزيدەنتىنە جۇكتەلگەن. ءتىپتى، بۇل دا ماڭىزدى ەمەس. قازاقستان حالقى اسسامبلەياسى تىرەك رەتىندە ءىس باسىنداعى پرەزيدەنتتىڭ جانىندا تۇرۋى ءتيىس جانە ەكىنشى جاعىنان مەملەكەت باسشىسى دا اسسامبلەياعا ارقا سۇيەيدى. سوندىقتان مەن اسسامبلەيانى باسقارۋ قۇقىعىمدى پرەزيدەنت قاسىم- جومارت توقايەۆقا بەرۋ تۋرالى شەشىم قابىلدادىم»، - دەدى نۇرسۇلتان نازاربايەۆ.
اۆتور: مارلان جيەمباي
