مەملەكەت باسشىسى ساكەن جولداستى قابىلدادى
نۇر- سۇلتان. قازاقپارات - مەملەكەت باسشىسى «Qazaq Republic» جوباسىنىڭ اۆتورى ساكەن جولداستى قابىلدادى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.
پرەزيدەنت قاسىم- جومارت توقايەۆقا «Qazaq Republic» برەندىنىڭ دامۋى، جاڭا ازىرلەمەلەر مەن جوبالاردىڭ ىسكە اسىرىلۋى جايىندا باياندالدى.
ساكەن جولداس قاسىم- جومارت توقايەۆقا وتاندىق كاسىپكەرلەردىڭ پاندەميا جاعدايىنداعى جۇمىسى، بيزنەستىڭ تۇيتكىلدى ماسەلەلەرىنىڭ شەشىمى جانە مەملەكەتتىك قۇرىلىمدار تاراپىنان كورسەتىلىپ جاتقان قولداۋ تۋرالى ايتتى. سونداي- اق اڭگىمەلەسۋ بارىسىندا قازاقستاندىق زاماناۋي بىرەگەيلىكتى قالىپتاستىرۋ جونىندە ۇسىنىستار ايتىلدى. پرەزيدەنت ەلىمىزدەگى كرەاتيۆتى يندۋستريانى دامىتۋعا مەملەكەت ەرەكشە كوڭىل ءبولىپ وتىرعانىن اتاپ ءوتتى.
