ەلوردانىڭ سانيتارلىق دارىگەرى مەرەكە قارساڭىندا تۇرعىندارعا ۇندەۋ جاريالادى

نۇر-سۇلتان. قازاقپارات - نۇر- سۇلتان قالاسىنىڭ باس مەملەكەتتىك سانيتارلىق دارىگەرى سارحات بەيسەنوۆا مەرەكە قارساڭىندا ەلوردا تۇرعىندارىنا ۇندەۋ جاريالادى، دەپ حابارلايدى قازاقپارات ءتىلشىسى.

«مەرەكە كۇندەرى قارساڭىندا قالا تۇرعىندارى مەن ەلوردا قوناقتارىنان شەكتەۋ جانە كارانتين شارالارىن ساقتاۋدى تاعى دا ءوتىنىپ سۇراعىم كەلەدى: ماسكا رەجيمى مەن الەۋمەتتىك قاشىقتىقتى ساقتاڭىزدار، مۇمكىندىگىنشە كوپشىلىك جينالاتىن ورىندارعا بارماڭىزدار جانە حالىق جاپپاي جينالاتىن ءىس- شارالار ۇيىمداستىرماڭىزدار»، - دەدى س. بەيسەنوۆا ەلوردا اكىمدىگىندە وتكەن ونلاين بريفينگتە.

ايتا كەتەيىك، ەلوردادا COVID-19 اۋرۋى قاڭتار ايىمەن سالىستىرعاندا %33,8 عا تومەندەدى. تاۋلىگىنە شامامەن 68 ينفەكسيا جاعدايى تىركەلەدى، ونىڭ ىشىندە 37 جاعداي سيمپتومدى، 31 ى سيمپتومسىز تۇردە. قالادا كوبىنەسە 30-39 جاستاعى ادامدار باسىم اۋىرادى، ولار %24,8 قۇرايدى. 50 جاستان اسقان ادامدار - %23,5 بولسا، بالالاردىڭ جالپى سىرقاتتانۋشىلىقتاعى ۇلەسى - %14,9 قۇرايدى.

اۆتور: ايجان سەرىكجان قىزى