ك ۆ ي: قازاقستاننىڭ ءىرى زەرتحانالارى پ ت ر تەست باعاسىن تومەندەتىپ جاتىر

نۇر-سۇلتان. قازاقپارات - قازاقستاننىڭ كلينيكالىق- دياگنوستيكالىق زەرتحانالارىمەن جاسالعان مونوپولياعا قارسى كومپلاەنس شەڭبەرىندە ك ۆ ي پ ت ر باعاسى تومەندەپ جاتىر، دەپ حابارلايدى باسەكەلەستىكتى قورعاۋ جانە دامىتۋ اگەنتتىگىنىڭ باسپا ءسوز قىزمەتى.

2021 -جىلعى 1-ناۋرىزدا ك د ز وليمپ COVID-19 پ ت ر باعاسىن 7000 نان 6500 تەڭگەگە دەيىن تومەندەتتى. ەكى اپتا بۇرىن، 15-اقپاننان باستاپ INVIVO ك د ز باعاسىن 9000 تەڭگەدەن 6500 تەڭگەگە دەيىن تومەندەتتى. وليمپ ك د ز مالىمەتتەرى بويىنشا، زەرتتەۋ قۇنىن تومەندەتۋ اناليزاتورلار پاركىن ودان ءارى كەڭەيتۋ جانە جاڭا پ ت ر زەرتحانالارىنىڭ قۋاتىن ارتتىرۋ ارقىلى مۇمكىن بولدى. INVIVO دا زەرتحانالاردىڭ قۋاتىن ارتتىرۋ جانە وندىرىستىك پروتسەستەردى وڭتايلاندىرۋ بويىنشا جۇمىستار جۇرگىزىلگەننەن كەيىن باعانىڭ تومەندەۋى مۇمكىن بولدى. ەستەرىڭىزگە سالا كەتەيىك، 2020 -جىلعى قازاندا مەملەكەت باسشىسىنىڭ تاپسىرماسى بويىنشا ب ق د ا COVID-19-عا پ ت ر- تەستىلەۋ نارىعىنداعى باعالارعا مونيتورينگ جانە سالىستىرمالى تالداۋ جۇرگىزدى، ناتيجەسىندە ب ق د ا نارىقتىڭ جەكە جانە مەملەكەتتىك قاتىسۋشىلارىنا ك ۆ ي- عا پ ت ر- تەستىلەر قۇنىنىڭ باعا دياپازونىن قايتا قاراۋدى ۇسىندى، ول 18000 تەڭگەدەن 11500 تەڭگەگە دەيىن اۋىتقيدى جانە ونى قولدانۋ باعانى 9000 تەڭگەگە دەيىن تومەندەتۋگە مۇمكىندىك بەرەتىن اشىق ساۋدا- وتكىزۋ ساياساتىن كوزدەيتىن مونوپولياعا قارسى كومپلاەنس جاساسۋدى ۇسىندى.

تۇتاستاي العاندا، قازاقستان نارىعىندا COVID-19-عا پ ت ر- تەستىلەۋدى شامامەن 36 سۋبەكت جۇرگىزەدى، بۇل رەتتە نەگىزگى نارىقتىق ۇلەسكە رەسپۋبليكا بويىنشا فيليالدارى بار 3 كومپانيا يە: «وليمپ «ك د ز» ج ش س (%61)، «ۇلتتىق ساراپتاما ورتالىعى» ش ج ق ر م ك (%12) جانە «INVIVO» ج ش س (%5). قالعان %22 نارىقتىق ۇلەس 33 وڭىرلىك زەرتحاناعا (جەكە جانە مەملەكەت قاتىساتىن) تيەسىلى.

2020 -جىلعى قازاندا بقدا جانە ونىڭ اۋماقتىق بولىمشەلەرى نارىققا قاتىسۋشىلارمەن قازاقستان رەسپۋبليكاسى كاسىپكەرلىك كودەكسىنىڭ 195-بابىنا سايكەس 9000 تەڭگەدەن اسپايتىن بوساتۋ باعاسىن بەلگىلەي وتىرىپ، 36 نارىق سۋبەكتىسىمەن مونوپولياعا قارسى كومپلاەنس جاساۋ بويىنشا جۇمىس جۇرگىزدى.

بۇل رەتتە، «سۇڭقار» ج ش س جانە «ايگەرىم» ج ش س جەكە زەرتحانالارى باعانى

تيىسىنشە 6000 جانە 7000 تەڭگەگە دەيىن تومەندەتتى. ب ق د ا ك ۆ ي پ ت ر- تەستىلەۋ نارىعىنىڭ سۋبەكتىلەرىمەن بۇرىن جاسالعان كومپلاەنس بويىنشا جۇمىستى جالعاستىرىپ جاتىر جانە اي سايىن باعا مونيتورينگىن جۇرگىزەدى. 2021 -جىلعى اقپانداعى جاعداي بويىنشا رەاگەنتتەردى ساتىپ الۋعا اعىمداعى شىعىنداردى تالداۋ بازالىق نارىق سۋبەكتىلەرىن: «وليمپ» ك د ز - 6500 ت گ (الۋ 700 ت گ)، «INVIVO» ج ش س - 6500 ت گ (الۋ 1000 ت گ)، بۇل رەتتە پايدالانىلاتىن رەاگەنتتەردىڭ ساپاسىن ساقتاي وتىرىپ، باعانى 9000 تەڭگەدەن 7000 ت گ دەيىن تومەندەتۋگە شاقىرۋعا مۇمكىندىك بەردى.