21:58, 16 - اقپان 2021 | GMT +6
اسقار مامين رەسەي ۇكىمەتىنىڭ توراعاسىمەن تەلەفون ارقىلى سويلەستى
نۇر-سۇلتان. قازاقپارات - قازاقستان رەسپۋبليكاسىنىڭ پرەمەر-ءمينيسترى اسقار مامين رەسەي فەدەراتسياسى ۇكىمەتىنىڭ ءتوراعاسى ميحايل ميشۋستينمەن تەلەفون ارقىلى سويلەستى.
بۇل تۋرالى قازاقپارات ۇكىمەتتىڭ باسپا ءسوز قىزمەتىنە سىلتەمە جاساپ حابارلايدى.
تاراپتار ساۋدا-ەكونوميكالىق، اۋىل شارۋاشىلىعى، ترانزيتتىك-كولىك، عارىش سالالارىنداعى ەكىجاقتى ىنتىماقتاستىقتىڭ وزەكتى ماسەلەلەرىن، ونەركاسىپتىك كووپەراتسيانى دامىتۋدى جانە ە ا ە و شەڭبەرىندەگى ءوزارا ءىس-قيمىلدى تالقىلادى.
COVID-19 تارالۋىنا جول بەرمەۋ جونىندەگى بىرلەسكەن شارالارعا، سونداي-اق قازاقستان-رەسەي شەكاراسىنداعى وتكىزۋ پۋنكتتەرىنىڭ جۇمىسى جونىندەگى بىرلەسكەن ءىس-قيمىل باعدارلاماسىن ىسكە اسىرۋ ماسەلەلەرىنە ەرەكشە نازار اۋدارىلدى.
