21:33, 04 - اقپان 2021 | GMT +6
ەۋرازيالىق ەكونوميكالىق وداقتا ءبىرىڭعاي ۆاليۋتا ەنگىزىلە مە
الماتى. قازاقپارات - ەكونوميكا جانە قارجىلىق ساياسات جونىندەگى ەۋرازيالىق ەكونوميكالىق كوميسسيا القاسىنىڭ مۇشەسى تيمۋر جاقسىلىقوۆ ە ا ە و شەڭبەرىندە جاقىن ارادا ءبىرىڭعاي ۆاليۋتا ەنگىزىلۋىنە قاتىستى سۇراققا جاۋاپ بەردى، دەپ حابارلايدى قازاقپارات ءتىلشىسى.
«بۇل - ەڭ ءجيى قويىلاتىن سۇراق. ەۋرازيالىق ەكونوميكالىق وداق اياسىنداعى بىردە- ءبىر كەلىسىمشارتتا، ە ا ە و شەڭبەرىندەگى بىردە- ءبىر اكتىدە ءبىرىڭعاي ۆاليۋتا ەنگىزۋ تۋرالى ايتىلماعان. مۇنداي جوسپار جوق. 2025 -جىلعا دەيىنگى دامۋ ستراتەگياسىندا مۇنداي جوسپار جوق. بۇل تۋرالى كەلىسسوزدەر جۇرگىزىلمەيدى جانە بۇل تاقىرىپ تالقىلانبايدى. مەنىڭ ويىمشا، ءبىرىڭعاي ۆاليۋتانى ەنگىزۋدىڭ وبەكتيۆتى العىشارتتارى ءالى جەتىلە قويعان جوق»، - دەيدى تيمۋر جاقسىلىقوۆ.
