ەرلان قياسوۆ ۆاكسينالاۋعا قاتىستى جالعان اقپاراتتارعا سەنبەۋگە شاقىردى
«قازىرگى ۋاقىتتا ب ا ق- تا جانە الەۋمەتتىك جەلىلەردە ۆاكسينانىڭ زيانى تۋرالى جالعان اقپارات ءجيى تاراي باستايدى. وسىعان وراي، سىزدەردى رەسمي دەرەكوزدەردىڭ عانا اقپاراتىنا سەنۋگە، مەديتسينا قىزمەتكەرلەرىنىڭ ۇسىنىستارىن ۇستانۋعا جانە جالعان ساراپشىلار مەن ارانداتۋشىلاردىڭ ىرقىنا ەرمەۋگە شاقىرامىن»، - دەدى ۆيتسە- مينيستر ورتالىق كوممۋنيكاتسيالار قىزمەتىندەگى باسپا ءسوز ءماسليحاتى بارىسىندا.
ونىڭ اتاپ وتۋىنشە، ۇجىمدىق يممۋنيتەتتى قالىپتاستىرۋ جانە كوروناۆيرۋسقا شالدىعۋ دەڭگەيىن تومەندەتۋ ءۇشىن رەسپۋبليكانىڭ ەرەسەك تۇرعىندارىنىڭ 50 پايىزدان استامى ۆاكسينا سالدىرۋى ءتيىس.
«ۆاكسيناتسيا ينفەكسيامەن كۇرەستەگى تيىمدىلىگىن ءسان مارتە دالەلدەپ، ونىڭ تىركەلۋ دەڭگەيىن نولگە دەيىن تومەندەتۋگە مۇمكىندىك بەردى. بۇگىندە بۇل ينفەكسيادان قورعانۋدىڭ ەڭ ءتيىمدى شاراسى بولىپ تۇر»، - دەدى ەرلان قياسوۆ.
اۆتور: مارلان جيەمباي
