دوللار باعاسى ءۇشىنشى كۇن قاتارىنان ارزاندادى

الماتى. قازاقپارات - قازاقستان قور بيرجاسىنداعى (KASE) ساۋدا- ساتتىق قورىتىندىلارى بويىنشا، تەڭگەنىڭ 1 دوللارعا قاتىستى باعامى ارزاندادى، دەپ حابارلايدى قازاقپارات ءتىلشىسى.

ساۋدا- ساتتىق مالىمەتتەرىنە قاراعاندا، دوللار باعامى 2-اقپان كەشىمەن سالىستىرعاندا 0,16 تەڭگەگە قۇلدىراپ، 1 دوللار ءۇشىن 423,56 تەڭگەنى قۇراعان. ۇلتتىق بانكتىڭ 3-اقپانداعى رەسمي باعامى - 1 دوللار ءۇشىن 423,74 تەڭگە.

Kurs.kz مالىمەتىنشە، الماتىداعى اقشا ايىرباستاۋ پۋنكتەرىندە دوللاردىڭ ساتۋ باعامى 423,25 تەڭگە، ساتىپ الۋ - 424,77 تەڭگە. ال نۇر- سۇلتان قالاسى بويىنشا ساتۋ باعامى 422,81 تەڭگەدەن بولسا، ال ساتىپ الۋ - 423,91 تەڭگەنى قۇرايدى.

ايتا كەتەيىك، ا ق ش اقشاسى ءۇشىنشى كۇن قاتارىنان ارزاندادى. ۇلتتىق بانكتىڭ 1-اقپانداعى رەسمي باعامى - 1 دوللار ءۇشىن 424,22 تەڭگە بولعان ەدى. 2-اقپاندا 0,81 تەڭگەگە قۇلدىراپ، 1 دوللار ءۇشىن 423,51 تەڭگەنى قۇرادى.