ءماجىلىستىڭ جالپى وتىرىسىندا التى دەپۋتات انت بەردى

نۇر-سۇلتان. قازاقپارات - بۇگىن پارلامەنت ءماجىلىسىنىڭ جالپى وتىرىسىندا ءبىرقاتار دەپۋتات انت بەردى، دەپ حابارلايدى قازاقپارات ءتىلشىسى.

«كونستيتۋتسيامىزعا سايكەس پارلامەنتتىڭ دەپۋتاتتارى قازاقستان حالقىنا انت بەرەدى. اتالعان ارىپتەستەرىمىز بەلگىلى سەبەپتەرمەن ءبىزدىڭ ءبىرىنشى جالپى وتىرىسىمىزعا قاتىسا المادى. وسىعان بايلانىستى قازىر قازاقستان حالقىنا انت بەرۋ ءۇشىن ءماجىلىس دەپۋتاتتارى، ياعني بەرىك ءابدىعالي ۇلى، اناتولي بويچين، يۋري جۋلين، ۆەرا كيم، يۋليا كۋچينسكايا، ايگۇل قۇسپان شاقىرىلادى»، - دەدى ءماجىلىس ءتوراعاسى نۇرلان نىعماتۋلين.

«قازاقستان حالقىنا ادال قىزمەت ەتۋگە، قازاقستان رەسپۋبليكاسىنىڭ تۇتاستىعى مەن تاۋەلسىزدىگىن نىعايتۋعا، ونىڭ كونستيتۋتسياسى مەن زاڭدارىنا قاتاڭ باعىنۋعا، دەپۋتاتتىڭ وزىمە جۇكتەلگەن مارتەبەلى مىندەتىن ادال اتقارۋعا انت ەتەمىن»، - دەدى دەپۋتاتتار ءماجىلىستىڭ جالپى وتىرىسىندا.

ەسكە سالا كەتەيىك، بيىل 15- قاڭتاردا ماجىلىستە جاڭادان سايلانعان دەپۋتاتتار انت بەرگەن ەدى.