ءلاززات يبراگيموۆا ءۇي باعاسىنىڭ قىمباتتاۋى تۋرالى: ازداپ كۇتۋ كەرەك

نۇر-سۇلتان. قازاقپارات - «وتباسى بانك» ا ق باسشىسى ءلاززات يبراگيموۆا باسپانا باعاسى قىمباتتاپ كەتكەن شاقتا ءۇي ىزدەۋشىلەرگە كەڭەس بەردى، دەپ حابارلايدى قازاقپارات ءتىلشىسى.

«ەكىنشى دەڭگەيلى تۇرعىن ۇيلەردىڭ نارىعى تۋرالى سۇراققا كەلەر بولساق، باسپانا باعاسى ارينە، ساتۋشىنىڭ نارىعىنا تاۋەلدى. باسپانا ماسەلەسى قوعامدا ءبىرىنشى كەزەككە شىققاننان كەيىن ارينە، ءۇي ساتاتىن ادامدار مولىراق پايداعا كەنەلىپ قالعىسى كەلەدى. مەنىڭ ويىمشا، ازداپ كۇتە تۇرۋ كەرەك. ۋاقىت وتە كەلە نارىق ءوزىنىڭ شىنايى قالپىنا ورالادى. سۇرانىس پەن ۇسىنىستار ول ءۇشىن تەڭەسۋى كەرەك. مەنىڭشە، وسى جىلدىڭ مامىرى مەن ماۋسىمى ارالىعىندا باعا ماسەلەسى وتكەن جىلعا ۇقساس كەزەڭگە ورالۋعا ءتيىس»، - دەدى ءلاززات يبراگيموۆا و ك ق-دا ءوتىپ جاتقان باسپا ءسوز ءماسليحاتىندا.

ول سونىمەن قاتار، زەينەتاقى جيناعىنىڭ ءبىر بولىگىنە 45 كۇننىڭ ىشىندە ءۇي تابا الماي قالاتىن ازاماتتاردى سابىر ساقتاۋعا شاقىردى.

«مۇنداي جاعدايدا 45 كۇنننەن كەيىن قاراجات جەكە زەينەتاقى قورىنا قايتارىلادى. ول ءۇشىن ۋايىمداۋدىڭ قاجەتى جوق. ودان كەيىن دە قايتا ءوتىنىم جىبەرۋگە ابدەن بولادى»، - دەدى ول. ەسكە سالساق، جاقىندا وتكەن ۇكىمەت وتىرىسىندا پرەزيدەنت قاسىم- جومارت توقايەۆ باسپانا باعاسىنىڭ شارىقتاۋىنا توسقاۋىل قويۋدى تاپسىرعان بولاتىن.

2021 -جىلى 2-قاڭتاردا ق ر پرەزيدەنتى قاسىم- جومارت توقايەۆ زەينەتاقى جيناعىنىڭ ءبىر بولىگىن ماقساتتى پايدالانۋعا قاتىستى زاڭعا قول قويدى. قازاقستاندىقتاردىڭ زەينەتاقى جيناقتارىن پايدالانۋ ءۇشىن جاڭارتىلعان «جەتكىلىكتىلىك شەگى» جاريالاندى.

زەينەتاقى جيناعىنان الۋعا بولاتىن سوما ب ج ز ق سايتىندا اۆتوماتتى تۇردە كورسەتىلەدى. 23-قاڭتاردان قازاقستاندا زەينەتاقىنىڭ ءبىر بولىگىن الۋعا ءوتىنىم قابىلداۋ باستالدى. ارنايى پورتالدا زەينەتاقىنىڭ ءبىر بولىگىن الۋعا ءوتىنىم قابىلداۋ باستالعالى ءۇش ساعاتتىڭ ىشىندە 4 مىڭنان استام ادام ءوتىنىش بەردى.

اۆتور: ايان بەكەن ۇلى