دەنساۋلىق مينيسترلىگى كوروناۆيرۋس بويىنشا ستاتيستيكالىق زەرتتەۋ جۇرگىزەدى
بۇل تاپسىرمانى مەملەكەت باسشىسى قاسىم-جومارت توقايەۆ 29-قاڭتاردا رەفورمالار جونىندەگى جوعارى كەڭەستىڭ ءۇشىنشى وتىرىسىندا بەرگەن ەدى.
«COVID-19 اۋىرعانداردىڭ شىنايى احۋالىن انىقتاۋ بويىنشا ستاتيستيكالىق زەرتتەۋ جۇرگىزۋ ءۇشىن مينيسترلىك د د س ۇ سانيتاريالىق- ەپيدەميولوگيالىق ساراپتاما جانە مونيتورينگ عىلىمي- پراكتيكالىق ورتالىعى فيليالىنىڭ بازاسىندا ءتيىستى جوبانى ىسكە اسىرۋدا. ءارى قاراي زەرتتەۋ ناتيجەلەرى نەگىزىندە ستاتيستيكالىق دەرەكتەردى تىركەۋ جۇمىستارى جۇرەدى»، - دەدى ا. سوي ۇكىمەت وتىرىسىندا.
سونىمەن بىرگە، مينيستر پرەزيدەنت تاپسىرماسى اياسىندا تانىمال قازاقستاندىق دارىگەرلەردىڭ ۇسىنىستارىن جان-جاقتى تالقىلاۋ ءۇشىن مينيسترلىك وكىلدەرى مەن ساراپشىلاردىڭ قاتىسۋىمەن كەزدەسۋ وتەتىنىن ايتتى. سودان كەيىن ولاردىڭ كانديداتۋرالارى دەنساۋلىق ساقتاۋ سالاسىنداعى ۇلتتىق جوبالاردى انىقتاۋ جونىندەگى توپ قۇرامىنا ەنگىزىلەدى.
