كوروناۆيرۋس: نۇر-سۇلتان قالاسى «قىزىل» ايماققا ءوتتى
نۇر-سۇلتان. قازاقپارات - دەنساۋلىق ساقتاۋ مينيسترلىگىنىڭ ۇلتتىق قوعامدىق دەنساۋلىق ساقتاۋ ورتالىعى 10- جەلتوقسان كۇنگى قازاقستان وبلىستارىنىڭ ەپيدەميولوگيالىق احۋالىن باعالايتىن ماتريتساسىن جاريالادى، دەپ حابارلايدى قازاقپارات ءتىلشىسى.
ورتالىقتىڭ باعالاۋىنشا «قىزىل» ايماقتان سولتۇستىك قازاقستان شىققانىمەن، نۇر-سۇلتان قالاسى كىرگەن.
ەلوردامەن قاتار پاۆلودار وبلىسى «قىزىل» ايماقتا تۇر. ال سارى ايماقتا قوستاناي، اقمولا، شىعىس قازاقستان، سولتۇستىك قازاقستان وبلىستارى بار. قالعان وڭىرلەردىڭ ءبارى دە جاسىل ايماقتا.
ەسكە سالا كەتسەك، كەشە ق ر دەنساۋلىق ساقتاۋ ۆيتسە-ءمينيسترى - باس مەملەكەتتىك سانيتارلىق دارىگەر ەرلان قياسوۆ قازاقستاندا كوروناۆيرۋس ينفەكتسياسىن جۇقتىرۋدىڭ شارىقتاۋ شەگىنە جەتۋ ىقتيمالدىعىنا قاتىستى جاڭا بولجامدى جاريا ەتكەن بولاتىن.
«بۇرىن دەنساۋلىق ساقتاۋ ءمينيسترى قازاقستاندا كوروناۆيرۋستى جۇقتىرۋدىڭ شارىقتاۋ شەگى 2020-جىلدىڭ جەلتوقسانى مەن 2021-جىلدىڭ قاڭتارىنا ساي كەلەتىنىن بولجاعان ەدى. الايدا قازىر وپتيميستىك جاعداي قالىپتاستى. وسىعان بايلانىستى اپتا سايىن ءوزىمىزدىڭ بولجامدى مالىمەتتەرىمىزدى زەرتتەپ وتىرمىز. قازىرگى جاعدايدا پەسسيميستىك بولجامعا سۇيەنسەك، كوروناۆيرۋستى جۇقتىرۋدىڭ شارىقتاۋ شەگى 2021-جىلدىڭ قاڭتارى مەن اقپانىنا ءدوپ كەلەدى دەپ بولجاۋعا بولادى»، - دەدى باس سانيتار دارىگەر و ك ق- دا وتكەن باسپا ءسوز ءماسليحاتىندا.
