ينتەرنەت قىزمەتىنىڭ ناشارلاۋى: سيفرلاندىرۋ مينيسترلىگى تۇسىنىكتەمە بەردى
نۇر-سۇلتان. قازاقپارات - ق ر سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ اقپاراتتىق قاۋىپسىزدىك كوميتەتىنىڭ ءتوراعاسى رۋسلان ءابدىحالىقوۆ ينتەرنەت قىزمەتىنىڭ ناشارلاۋىنا قاتىستى تۇسىنىكتەمە بەردى، دەپ حابارلايدى قازاقپارات ءتىلشىسى.
«بۇل كيبەر جاتتىعۋدى ءبىزدىڭ ازاماتتارعا ىڭعايسىزدىق تۋىندامايتىنداي ەتىپ وتكىزۋگە تىرىستىق. بەلگىلى ءبىر ىڭعايسىزدىق تۋىنداعانى ءۇشىن كەشىرىم وتىنەمىز. البەتتە بۇل شەتەلدىك ينتەرنەت- رەسۋرستاردىڭ دا قىزمەتىنە اسەر ەتتى. نەلىكتەن ءدال وتكەن اپتانىڭ دەمالىسىن تاڭداپ الدىق - سەبەبى وسى ۋاقىتتا ازاماتتار بارىنشا جۇمىستان بوس، جۇمىس بارىسىندا جوق»، - دەدى رۋسلان ءابدىحالىقوۆ و ك ق- دا وتكەن باسپا ءسوز ءماسليحاتىندا.
ەسكە سالا كەتسەك بۇعان دەيىن رۋسلان ءابدىحالىقوۆ نۇر-سۇلتان قالاسىندا كيبەر جاتتىعۋلار وتكىزىلىپ جاتقانىن ايتقان بولاتىن.
«پاندەميا ۋاقىتىندا شىندىققا ساي كەلمەيتىن، ەلدىڭ اقپاراتتىق زاڭناماسىن بۇزاتىن مالىمەت كوبەيىپ كەتتى. ونىڭ ءبارى الەۋمەتتىك مەديا ارقىلى تاراۋدا. شىنايى جاعدايدى باعالاۋ ءۇشىن شارتتى ءدىني ەكسترەميستەر ءارتۇرلى اقپاراتتى تاراتادى. ال بۇل رەتتە مەملەكەتتىك ورگانداردىڭ مىندەتى - ونى ۋاقىتىندا انىقتاپ، ناقتى شەكتەۋ قويۋ. سونداي- اق بۇكىل ينتەرنەت رەسۋرستىڭ شتاتتىق قىزمەتىن بۇزىلماۋى ءتيىس»، - دەگەن ەدى ول.
اۆتور: ايان بەكەن ۇلى
