مەملەكەت باسشىسى قايرات ءماميدى قابىلدادى
نۇر- سۇلتان. قازاقپارات - مەملەكەت باسشىسى كونستيتۋتسيالىق كەڭەستىڭ ءتوراعاسى قايرات ءماميدى قابىلدادى، دەپ حابارلايدى اقوردانىڭ باسپا ءسوز قىزمەتى.
قاسىم- جومارت توقايەۆقا قازاقستان رەسپۋبليكاسى كونستيتۋتسياسىنىڭ 25 جىلدىعىنا وراي وتكەن شارالاردىڭ قورىتىندىسى جايىندا باياندالدى. كونستيتۋتسيالىق كەڭەس ءتوراعاسىنىڭ ايتۋىنشا، اتا زاڭنىڭ مەرەيتويلىق ءىس- شارالارىن ۇيىمداستىرۋ جانە وتكىزۋ جونىندەگى ۇلتتىق جوسپار كوروناۆيرۋس پاندەمياسى تۋدىرعان قيىنشىلىقتارعا قاراماستان جۇزەگە اسقان. پرەزيدەنتكە مەرەيتوي شەڭبەرىندە وتكەن ءىس- شارالار قورىتىندىسى بويىنشا اتا زاڭنىڭ الەۋەتىن جان- جاقتى ىسكە اسىرۋ جانە ەلدەگى كونستيتۋتسيالىق زاڭدىلىق جۇيەسىن نىعايتۋعا باعىتتالعان ۇسىنىستار تۋرالى اقپارات بەرىلدى.
ۇسىنىستاردىڭ ءبىر بولىگى كونستيتۋتسيالىق كەڭەستىڭ قۇقىقتىق نەگىزىن ودان ءارى جەتىلدىرۋ جانە ازاماتتاردىڭ كونستيتۋتسيالىق قۇقىقتارىن قورعاۋ كەپىلدىگىن كۇشەيتۋگە بايلانىستى كەلىپ تۇسكەن. قاسىم- جومارت توقايەۆ كونستيتۋتسيا قازاقستاننىڭ مەملەكەتتىلىگى مەن ەلىمىزدىڭ ستراتەگيالىق دامۋىنىڭ نەگىزى ەكەنىن ايتتى. تاۋەلسىزدىكتىڭ 30 جىلدىعى اياسىندا مەملەكەتتىك ورگاندار مەن ازاماتتار كونستيتۋتسيالىق تالاپتاردى تەرەڭ ءتۇسىنۋى جانە ونى باسشىلىققا الۋى كەرەك.
