پرەزيدەنت باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسىن قابىلدادى
نۇر- سۇلتان. قازاقپارات - پرەزيدەنت قاسىم- جومارت توقايەۆ باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسى سەرىك جۇمانعاريندى قابىلدادى، دەپ حابارلايدى اقوردانىڭ باسپا ءسوز قىزمەتى.
مەملەكەت باسشىسىنا اگەنتتىك قۇرىلعاننان بەرى اتقارىلعان جۇمىستار جايىندا باياندالدى. سەرىك جۇمانعارين ۆەدومستۆونىڭ اشىقتىق ساياساتىن جۇزەگە اسىرىپ جاتقانىن، پروبلەمالىق ماسەلەلەردى قوعام جانە بيزنەس وكىلدەرىمەن بىرلەسىپ تالقىلاۋعا مۇمكىندىك بەرەتىن كراۋدسورسينگتىك الاڭدار مەن كەدەرگىلەر جونىندەگى كەڭەستەردىڭ قۇرىلعانىن ايتتى.
قاسىم- جومارت توقايەۆقا پ ت ر سىناماسىنىڭ، جەكە قورعانىس زاتتارىنىڭ، سونداي- اق، قازاقستان اۋەجايلارىنداعى تۇتىنۋ تاۋارلارىنىڭ باعاسىن تومەندەتۋ جونىندە بەرگەن تاپسىرمالارىنىڭ ورىندالۋى جايىندا مالىمەت بەرىلدى. بۇدان بولەك مەملەكەت باسشىسىنا باسەكەلەستىكتى قورعاۋ جانە دامىتۋ اگەنتتىگىنىڭ ساۋدا بيرجالارىنىڭ قىزمەتىنە، سۇيىتىلعان گاز باعاسىن ارزانداتۋعا، نارىقتاعى ءدارى- دارمەكتىڭ باعاسىن تۇراقتاندىرۋعا قاتىستى جاسالعان جۇمىستار تۋرالى ايتىلدى.
قازاقستان پرەزيدەنتى پ ت ر سىناماسىنىڭ، جەكە قورعانىس زاتتارىنىڭ جانە ءدارى- دارمەك باعاسىن ايىرىقشا باقىلاۋدا ۇستاۋدى تاپسىردى. قاسىم- جومارت توقايەۆ اگەنتتىك باسشىسىنا ەكونوميكانىڭ تيىمدىلىگىن ارتتىرۋعا، تاۋار بيرجاسى مەن باسەكەلەستىكتى ودان ءارى دامىتۋعا قاتىستى ءبىرقاتار مىندەتتەمەلەر جۇكتەدى.
