ۇلتارالىق تاتۋلىق ءبىزدىڭ باستى بايلىعىمىز بولۋى كەرەك - نۇرسۇلتان نازاربايەۆ

«قيىن جاعدايعا بايلانىستى كەڭەس وتىرىسىن بەينەبايلانىس تۇرىندە وتكىزىپ وتىرمىز. بۇل جيىنىمىز قازاقستان حالقى اسسامبلەياسىنىڭ 25 جىلدىق مەرەيتويىنا ارنالادى. بارشاڭىزدى وسى مەرەكەمەن قۇتتىقتايمىن. مەرەيتويلىق مەجە وتكەنگە كوز جۇگىرتىپ، اتقارىلعان جۇمىستى قورىتىندىلاۋعا سەبەپ بولىپ وتىر. اسسامبلەيانىڭ قانداي قيىن ۋاقىتتا قۇرىلعانىن ءبارىمىز بىلەمىز. بۇرىنعى ك س ر و-نىڭ ىدىراۋى، تاۋەلسىز مەملەكەتتەر دوستاستىعىنىڭ قالىپتاسۋى، تاريحي شيەلەنىستى، ەرتەڭگى ومىرگە دەگەن سەنىمسىزدىك زامانىندا قۇرىلدى. ءبىراق، ءبىز ءدال سول كەزدە ءوزىمىز ءۇشىن ءبىر نارسەنى قابىلدادىق. ۇلتارالىق تاتۋلىق ءبىزدىڭ باستى بايلىعىمىز بولۋى كەرەك»، - دەدى كەڭەس وتىرىسىن اشقان ەلباسى.

مەملەكەت باسشىسى 1992 -جىلدىڭ 14-جەلتوقساندا وتكەن قازاقستان حالىقارالىق فورۋمىندا جۇرتىمىزدىڭ كەلىسىمى مەن بىرلىگىنە نەگىزدەلگەن اسسامبلەيا قۇرۋ جونىندە باستاما كوتەرگەنىن ەسكە سالىپ ءوتتى.

«1995 -جىلى 1-ناۋرىزدا قازاقستان حالقى اسسامبلەياسىن قۇرۋ تۋرالى جارلىققا قول قويىلدى»، - دەدى نۇرسۇلتان نازاربايەۆ.

ايتا كەتەيىك، وتىرىسقا ق ر پرەزيدەنتى قاسىم-جومارت توقايەۆ، كەڭەس مۇشەلەرى، ورتالىق مەملەكەتتىك جانە جەرگىلىكتى اتقارۋشى ورگانداردىڭ باسشىلارى، پارلامەنت دەپۋتاتتارى، ەتنوبىرلەستىكتەردىڭ ءتوراعالارى قاتىسۋدا.

اۆتور: مارلان جيەمباي