ق ر پرەزيدەنتى بيولوگيالىق قاۋىپسىزدىك جونىندەگى حالىقارالىق اگەنتتىكتى قۇرۋعا قاتىستى پىكىر ءبىلدىردى
نۇر- سۇلتان. قازاقپارات - ق ر پرەزيدەنتى قاسىم- جومارت توقايەۆ ش ى ۇ ەلدەرىن بيولوگيالىق قاۋىپسىزدىك جونىندەگى حالىقارالىق اگەنتتىكتى قۇرۋ ىسىنە قولداۋ بىلدىرۋگە شاقىردى، دەپ حابارلايدى قازاقپارات ءتىلشىسى.
«ەكستەرميزم، تەرروريزم، سەپاراتيزم جانە رۋحاني قۇندىلىقتاردىڭ ديەۆالۆاتسياسىنا قارسى ءىس- قيمىلدا ءبىزدىڭ حالىقتاردىڭ جاسامپاز الەۋەتىن جۇمىلدىرۋ ءۇشىن ش ى ۇ مەملەكەتتەرىنىڭ بىرىگەي مادەني مۇراسىن دامىتۋ ماڭىزدى. سوندىقتان ءبىزدىڭ ۇيىم ءۇشىن مەرەيتويلىق الداعى جىلدى ش ى ۇ مادەنيەتى جىلى دەپ جاريالاۋدى قولدايمىز»، - دەدى مەملەكەت باسشىسى.
سونىمەن قاتار پرەزيدەنت قارۋلانۋدىڭ جاھاندىق جارىسىنىڭ كۇشەيۋى بيولوگيالىق قارۋعا قاتىستى قاداعالاۋ جۇيەسىن ىسكە قوسۋدىڭ قاجەتتىگىن وزەكتى ەتىپ وتىرعاندىعىن اتاپ ءوتتى.
«بارشامىز بيوتەرروريزمنىڭ قاتەرىنە بايلانىستى تاۋەكەلدەردى جاقسى تۇسىنەمىز. ب ۇ ۇ باس اسسامبلەياسىنىڭ 75-سەسسياسى بارىسىندا بيولوگيادىق قاۋىپسىزدىك جونىندەگى حالىقارالىق اگەنتتىكتى قۇرۋدى ۇسىنعان ەدىم. ش ى ۇ بويىنشا ارىپتەستەر تاراپىنان بۇل ماسەلەدە قولداۋ بولاتىنىنا سەنىم ارتىپ وتىرمىن»، - دەدى ق. توقايەۆ.
ەسكە سالا كەتەيىك، ب ۇ ۇ باس اسسامبلەياسى 75-سەسسياسىنىڭ جالپى ساياسي دەباتتارىندا ءسوز سويلەگەن ق ر پرەزيدەنتى قاسىم- جومارت توقايەۆ بيولوگيالىق قاۋىپسىزدىك جونىندەگى حالىقارالىق اگەنتتىك قۇرۋ تۋرالى ايتتى.
اۆتور: رۋسلان عابباسوۆ
