كارانتيننەن كەيىن بيزنەس جۇمىسىنا قولداۋ كورسەتۋ كەرەك - مينيستر
«ەكونوميكالىق بەلسەندىلىكتى قالپىنا كەلتىرۋ بويىنشا قابىلدانىپ جاتقان شارالاردى ەسكەرە وتىرىپ، ورتالىق جانە جەرگىلىكتى اتقارۋشى ورگاندار مىناداي اسپەكتىلەرگە نازار اۋدارۋى قاجەت. بىرىنشىدەن، كارانتيننەن كەيىنگى كەزەڭدە بيزنەستىڭ جۇمىسىن جان-جاقتى قولداۋ كەرەك. ەكىنشى - مەملەكەتتىك باعدارلامالار شەڭبەرىندە كاسىپكەرلەردى قولداۋ قۇرالدارىن ءتيىمدى ىسكە اسىرۋدى قامتاماسىز ەتۋ»، - دەدى مينيستر ۇكىمەت وتىرىسىندا.
ءۇشىنشى - قازاقستاندىق ءونىمنىڭ ۇلەسىن ۇلعايتۋدى، جۇمىسپەن قامتۋدى قامتاماسىز ەتەتىن قاراجاتتى تولىق جانە ءتيىمدى يگەرۋ قاجەت. ءتورتىنشى - ينۆەستيتسيالاردى بەلسەندى تارتۋ جانە ينۆەستورلارمەن ناقتى جۇمىس جاساۋ كەرەك.
«بەسىنشى - وڭدەلگەن تاۋارلاردى ءوندىرۋ جانە ەكسپورتتاۋ ءۇشىن جاعداي جاساۋ قاجەت. التىنشى - باعا مونيتورينگىن كۇشەيتۋ جانە تۇراقتاندىرۋ قورلارىنىڭ تەتىكتەرىن پايدالانۋ ارقىلى ماۋسىمدىق اۋىتقۋلارعا جول بەرمەۋ كەرەك جانە جەتىنشى - وڭىرلىك ەڭبەك نارىقتارىنداعى احۋالعا تۇراقتى مونيتورينگ جۇرگىزۋ جانە جۇمىسپەن بارىنشا قامتۋ كەرەك»، - دەدى ر. دالەنوۆ.
