جەرگىلىكتى ءوزىن-ءوزى باسقارۋدى دامىتۋدىڭ جاڭا تۇجىرىمداماسى ازىرلەنەدى - مينيستر
بۇل تۋرالى ۇكىمەت وتىرىسىندا ق ر ۇلتتىق ەكونوميكا ءمينيسترى رۋسلان دالەنوۆ ايتتى، دەپ حابارلايدى قازاقپارات ءتىلشىسى.
«ەلىمىزدىڭ وڭىرلىك دامۋىنا ءاربىر ناقتى ءوڭىردىڭ باسەكە ارتىقشىلىعىن اشۋ جونىندەگى شارالاردى قامتيتىن جاڭا تاسىلدەر ازىرلەنەدى. بۇل ءۇشىن 2030-جىلعا دەيىنگى اۋماقتىق-كەڭىستىكتىك دامۋدىڭ بولجامدى سحەماسىنا ءتيىستى وزگەرىستەر ەنگىزىلمەك. اۋىلدارداعى وزەكتى ينفراقۇرىلىم ماسەلەلەرىن شەشۋگە باعىتتالعان «اۋىل - ەل بەسىگى» جوباسىن بەلسەندى ىسكە اسىرۋ جالعاسادى»، - دەدى رۋسلان دالەنوۆ.
ونىڭ ايتۋىنشا، جەرگىلىكتى ءوزىن-ءوزى باسقارۋدى جەتىلدىرۋ اياسىندا اۋىل وكرۋگتەرى بيۋجەتىنىڭ قارجىلىق مۇمكىندىكتەرى كەڭەيتىلەدى.
«جەرگىلىكتى ءوزىن-ءوزى باسقارۋدى دامىتۋدىڭ جاڭا تۇجىرىمداماسى ازىرلەنەدى. بۇل تۇجىرىمداما اياسىندا اۋىل اكىمدەرىن تىكەلەي سايلاۋدى ەنگىزۋ، جەرگىلىكتى مەملەكەتتىك باسقارۋدىڭ مۇلىكتىك قۇقىقتارىن جانە ءماسليحاتتاردىڭ وكىلەتتىگىن كەڭەيتۋ بويىنشا ۇسىنىستار ازىرلەنەدى»، - دەدى مينيستر.
