پرەمەر-مينيستر ەلەكتروندى ساۋدانى دامىتۋ بويىنشا تاپسىرمالار بەردى
«قازىرگى تاڭدا، اسىرەسە پاندەميا جاعدايىندا الەمدىك ترەندتەرگە سايكەس قازاقستاندا ەلەكتروندى ساۋدا قارقىندى دامىپ كەلەدى. ەلەكتروندى ساۋدانىڭ بولشەك ساۋدا اينالىمىنداعى كولەمى مەن ۇلەسى ءبىر جارىم ەسەگە ءوستى. نارىقتىڭ وسى سەگمەنتىنىڭ پەرسپەكتيۆاسى ۇلكەن، ءارى ەكونوميكانىڭ ىلەسپە سەكتورلارى - لوگيستيكاعا، كونتەينەرلىك تاسىمالداۋعا، كۋرەرلىك قىزمەتتەرگە، سيفرلىق سەرۆيستەر مەن قىزمەتتەرگە، ەڭبەك نارىعىنا جانە تاعى باسقالارعا مۋلتيپليكاتيۆتى اسەرىن تيگىزەدى»، - دەپ اتاپ ءوتتى پرەمەر-مينيستر ۇكىمەت وتىرىسىندا.
ۇكىمەت باسشىسى الدا ەلەكتروندى ساۋدا راسىمدەرىن جەڭىلدەتىپ، قارجىلاندىرۋعا جول اشاتىن، ينتەرنەت ارقىلى مامىلە جاساۋعا سەنىمدىلىكتى نىعايتاتىن جانە كيبەرقىلمىستارعا قارسى ارەكەت ەتۋگە مۇمكىندىك بەرەتىن ءتيىمدى شارالاردى قالىپتاستىرۋ مىندەتى تۇرعانىن جەتكىزدى.
«بىرىنشىدەن، بولجامدارعا سايكەس، 2025-جىلعا قاراي ارالاس سالالاردى ەسكەرە وتىرىپ، 300 مىڭنان استام جاڭا جۇمىس ورىندارى اشىلادى. وسى رەتتە ساۋدا مينيسترلىگىنە ەڭبەك مينيسترلىگىمەن، «اتامەكەن» پالاتاسىمەن جانە ءىرى ينتەرنەت-دۇكەندەرمەن بىرگە كاسىپكەرلەردى ونلاين-ساۋدانى ءتيىمدى جۇرگىزۋگە وقىتۋ بويىنشا ارنايى باعدارلاما ازىرلەۋدى تاپسىرامىن. سونىڭ ىشىندە، وسى باعدارلاماعا جاستاردى بەلسەندى تارتۋ قاجەت. ەكىنشىدەن، ساۋدا لوگيستيكاسىن ودان ءارى ءتيىمدى دامىتۋ ماقساتىندا ساۋدا، تسيفرلىق دامۋ مينيسترلىكتەرىنە لوگيستيقالىق ورتالىقتار جەلىسىن جانە قازىر قۇرىلىپ جاتقان ۇلتتىق تاۋار وتكىزۋشى جۇيەنى دامىتۋ بويىنشا جوسپاردى ۇيلەستىرۋدى تاپسىرامىن»، - دەدى ا. مامين.
ۇشىنشىدەن، پرەمەر وتاندىق ونلاين ساۋدانى دامىتۋ ءۇشىن سيفرلىق دامۋ مينيسترلىگىنە ساۋدا مينيسترلىگىمەن جانە قازاقستان دامۋ بانكىمەن بىرگە ونلاين بيزنەسكە نەسيە بەرۋ ماسەلەسىن پىسىقتاۋدى تاپسىردى.
سونىمەن بىرگە، يننوۆاتسيالىق تەحنولوگيالىق شەشىمدەردى قولدانۋ وسى سالاداعى زاڭناماعا وزگەرىستەر مەن تولىقتىرۋلار ەنگىزۋدى تالاپ ەتەتىنىن، سيفرلىق دامۋ مينيسترلىگىنە ءتيىستى زاڭ جوباسىن ازىرلەۋدى ۇكىمەتتىڭ قاراۋىنا بيىل ۇسىنۋ قاجەتتىگىن ايتتى.
«بەسىنشى، ونلاين ساۋدادا تۇتىنۋشىلاردىڭ مۇددەلەرىن قورعاۋدى قامتاماسىز ەتۋ قاجەت. ساۋدا مينيسترلىگىنە ۇلتتىق ەكونوميكا مينيسترلىگىمەن بىرگە «ءبىر تەرەزە» قاعيداتى بويىنشا تۇتىنۋشىلاردىڭ ارىزدارى مەن ۇسىنىستارىن قابىلداۋدىڭ ءبىرىڭعاي پلاتفورماسىن ىسكە قوسۋدى جانداندىرىپ، ءتيىمدى كەرى بايلانىستى جولعا قويۋدى تاپسىرامىن. ايتىلعان تاسىلدەردى ەسكەرە وتىرىپ، ساۋدا مينيسترلىگى مەن تسيفرلىق دامۋ مينيسترلىكتەرىنە مۇددەلى مەملەكەتتىك ورگاندارمەن جانە ۇيىمدارمەن بىرلەسىپ، ەلەكتروندىق ساۋدانى دامىتۋدىڭ 2023-جىلعا دەيىنگى جول كارتاسىن جانداندىرىپ، ءىس-شارالاردى ورىنداۋدىڭ ناقتى مەرزىمدەرىن بەلگىلەۋدى تاپسىرامىن»، - دەدى اسقار مامين.
