14:09, 30 - ماۋسىم 2020 | GMT +5
قاتاڭ كارانتين بويىنشا تۇپكىلىكتى شەشىم جاقىندا قابىلدانادى - الەكسەي سوي
نۇر-سۇلتان. قازاقپارات - دەنساۋلىق ساقتاۋ ءمينيسترى الەكسەي سوي قازاقستاندا قاتاڭ كارانتين شارالارىن قابىلداۋعا قاتىستى پىكىرىن ءبولىستى، دەپ حابارلايدى قازاقپارات ءتىلشىسى.
«ايماقتارداعى ەپيدەميولوگيالىق احۋال مەن بيزنەسكە ىقپالدى ەسەپكە الا وتىرىپ، ءبىز بىرنەشە نۇسقانى ۇسىندىق: كارانتين ەنگىزۋ نەمەسە قاتاڭ شەكتەۋ شارالارىن ەنگىزۋ. ونىڭ ءبارى قازىر قارالىپ جاتىر. تۇپكىلىكتى شەشىمدى مەملەكەتتىك كوميسسيا جاقىن ارادا قابىلدايدى»، - دەدى الەكسەي سوي و ك ق-دا وتكەن باسپا ءسوز ءماسليحاتىندا.
ەسكە سالا كەتسەك، ۇكىمەت 2 كۇننىڭ ىشىندە وسى جىلدىڭ ناۋرىز- مامىر ايىنداعىداي قاتاڭ كارانتين شارالارىن ەنگىزۋ بويىنشا ۇسىنىس ازىرلەۋى ءتيىس. بۇل تاپسىرمانى كوروناۆيرۋس ىندەتىنىڭ تارالۋىنا قارسى كەڭەس بارىسىندا ق ر پرەزيدەنتى قاسىم-جومارت توقايەۆ بەرگەن ەدى.
اۆتور: ايان بەكەن ۇلى
