16:56, 29 - ماۋسىم 2020 | GMT +6
ۇلتتىق ساراپتاما ورتالىعى كوروناۆيرۋسقا اقىلى پ ت ر-تەست جاساۋدى توقتاتتى
نۇر-سۇلتان. قازاقپارات - «ۇلتتىق ساراپتاما ورتالىعى» ا ق كوروناۆيرۋسقا اقىلى تۇردە پ ت ر- تەست جاساۋ قىزمەتىن توقتاتتى، دەپ حابارلايدى قازاقپارات.
«2020 -جىلدىڭ 25-ماۋسىمىنداعى ق ر باس سانيتارلىق دارىگەرىنىڭ №43-قاۋلىسىنا سايكەس، COVID-19-عا زەرتحانالىق ساراپتاما جۇرگىزۋ بويىنشا اقىلى قىزمەت ۋاقىتشا توقتاتىلدى. تەگىن تەستىلەۋ سۇراقتارى بويىنشا ەمحانالارعا حابارلاسۋىڭىزدى سۇرايمىز»، - دەلىنگەن ۇلتتىق ساراپتاما ورتالىعىنىڭ حابارلاماسىندا.
ايتا كەتەيىك، ۇلتتىق ورتالىقتا كوروناۆيرۋسقا اقىلى پ ت ر تەستىلەۋ جۇرگىزۋ قۇنى 11500 تەڭگە بولاتىن. بۇعان دەيىن نۇر-سۇلتان، الماتى، شىمكەنت، قاراعاندى جانە ورال قالالارىندا جەكە تۇلعالاردان اناليز الۋدىڭ ۋاقىتشا توقتايتىنى حابارلانعان ەدى.
اۆتور: ايجان سەرىكجان قىزى