دارىگەرلەر سيمپتومى جوق ك ۆ ي جۇقتىرعاندار نەگە ۇيدە ەمدەلەتىنىن ءتۇسىندىردى

الماتى. قازاقپارات - الماتىدا وتكەن ونلاين بريفينگ بارىسىندا دارىگەرلەر ك ۆ ي جۇقتىرعان ناۋقاستاردىڭ كەيبىرى نەگە ۇيدە ەمدەلۋى ءتيىس ەكەندىگىن ءتۇسىندىردى، دەپ حابارلايدى قازاقپارات ءتىلشىسى.
None
None

دارىگەر ينفەكسيونيست تامارا ۇتاعانوۆانىڭ ايتۋىنشا، الەمدە ك ۆ ي ەمدەۋدىڭ كلينيكالىق دياگنوستيكالىق حاتتاماسىنىڭ 9 رەداكسياسى ەنگىزىلگەن.

«حالىقارالىق اۋرۋلار كلاسسيفيكاسياسى بويىنشا اۋرۋلاردى قالاي تىركەۋدى انىقتادىق. قارقىندى تەراپيا جانە رەانيماسيالىق بولىمشەلەرگە قاي ناۋقاستاردى جاتقىزۋ كەرەك. سيمپتومى جوق ناۋقاستار، جەڭىل ناۋقاستاردى ەمدەۋ، مەديسينالىق- سانيتارلىق كومەك ۇيىمدارىنىڭ كومەگى، باقىلاۋى، قالاي وقشاۋلانۋ كەرەكتىگى تۋراسىندا وزگەرىستەر ەنگىزىلدى»، - دەدى مامان.

قازىر سونىمەن قاتار ناۋقاستاردى ەمدەۋگە الدىڭعى حاتتامادا جوق دارىلەر ەنگىزىلگەن. «مۇنىڭ الدىندا بارلىق ناۋقاستار اۋرۋحاناعا جاتقىزىلاتىن ەدى، اۋرۋحانادا باقىلاناتىن. ولاردى سيمپتومدارى بولسىن- بولماسىن ءدارى- دارمەكپەن ەمدەيتىنبىز. قازىر ەگەر ەش بەلگىلەرى جوق بولسا، اۋرۋ جەڭىل وتسە، ەم- شارالارىن جۇرگىزۋ قاجەتتىلىگى جوق. ەگەر ناۋقاستىڭ بويىندا قوسالقى اۋرۋلار بولاتىن بولسا، وندا ول ادام ءبىرىنشى سانيتارلىق مەديسينالىق كومەك ۇيىمدارىمەن باقىلانادى. باقىلاۋ قاشىقتان بولادى، كۇندەلىكتى 2 رەت قوڭىراۋ شالۋ نەمەسە 3 كۇندە ءبىر رەت ۆيدەوقوڭىراۋ شالۋ ارقىلى جاسالادى»، - دەدى تامارا ۇتاعانوۆا.

سونىمەن قاتار، دارىگەر ۇيىندە سيمپتومسىز جاتقان ناۋقاستارعا نە ءىشۋ كەرەكتىگىن ءتۇسىندىردى. «ۇيدە جاتقان سيمپتومى جوق ادامدار نە ءدارى ءىشۋى كەرەك؟ ارنايى ءدارى قابىلدانبايدى. تەك باقىلاۋ جۇرگىزىلەدى. ناۋقاستىڭ قىزۋى كوتەرىلگەندە - قىزۋعا قارسى، تاماعى جىبىرلاسا - سيمپتوماكتيكالىق ەم جاساۋ كەرەك»، - دەدى ت. ۇتاعانوۆا.

قالانىڭ باس سانيتارلىق دارىگەرى جانداربەك بەكشيننىڭ ايتۋىنشا، قازىر قالادا سوڭعى 10 كۇندە اۋرۋ كورسەتكىشى %5 بولىپ تۇر. قالا بيلىگى وسى كورسەتكىشتى %1 كە دەيىن تومەندەتۋدى ماقسات تۇتىپ وتىر. سونىمەن قاتار، قالاداعى توسەك ورىنداردىڭ 95 پايىزى تولعان.

سوڭعى جاڭالىقتار