قارجى ءمينيسترى: كوروناۆيرۋستىڭ ەكىنشى تولقىنىن ەڭسەرۋگە دە قاراجات جەتكىلىكتى

نۇر- سۇلتان. قازاقپارات - كوروناۆيرۋستىڭ ەكىنشى تولقىنى بولسا، ونى ەڭسەرۋگە قازاقستاننىڭ قارجىسى جەتە مە؟ بۇل سۇراق و ك ق- دا ۇيىمداستىرىلعان باسپا ءسوز ءماسليحاتىندا قارجى ءمينيسترى ەرۇلان جاماۋبايەۆقا قويىلدى، دەپ حابارلايدى قازاقپارات ءتىلشىسى.

«كوروناۆيرۋستىڭ ءبىرىنشى تولقىنىن ەڭسەرۋ ءۇشىن بيۋدجەتتەن 153,4 ميلليارد تەڭگە بولىنگەن بولاتىن. ونىڭ 26,6 ميلليارد تەڭگەسى - ۇكىمەتتىڭ رەزەرۆى بولسا، 125,3 ميلليارد تەڭگەسى ناقتىلانعان رەسپۋبليكالىق بيۋدجەت كەزىندە بولىنگەن. سونىمەن بىرگە، 1,5 ميلليارد تەڭگە ءبىلىم جانە عىلىم مينيسترلىگىنىڭ بيۋدجەتىنەن اۋدارىلدى. جالپى جاعداي قالاي قالىپتاسادى، كوروناۆيرۋسقا قاتىستى احۋال نە بولادى - وعان قاراي ەكونوميكالىق جاعداي قالاي وزگەرەتىنىن كورە جاتارمىز. جالپى ۇكىمەتتىڭ رەزەرۆى مەن ناقتىلانعان بيۋدجەتتە ءتيىستى قاراجات بار»، - دەدى ەرۇلان جاماۋبايەۆ.

ەسكە سالا كەتسەك بۇعان دەيىن ەرۇلان جاماۋبايەۆ قازاقستاننىڭ ۇلتتىق قورىنا بىلتىر 4,5 تريلليون تەڭگە قوسىلعانىن ءمالىم ەتكەن بولاتىن. ونىڭ ايتۋىنشا 2019 -جىلدىڭ قورىتىندىسى بويىنشا، ۇلتتىق قور قاراجاتى شامامەن 27,5 تريلليون تەڭگەنى نەمەسە 65,5 ميلليارد دوللاردى قۇرادى. وتكەن جىلى ۇلتتىق قورعا شامامەن 4,5 تريلليون تەڭگە، ونىڭ ىشىندە مۇناي سەكتورى ۇيىمدارىنان تۇسەتىن تىكەلەي سالىقتار تۇسىمدەرى ەسەبىنەن 2,8 تريلليون تەڭگە تۇسكەن.