ە ا ە و ينتەگراتسياسى ۇلتتىق قۇقىقتىق جۇيەلەردىڭ ەرەكشەلىگىن ەسكەرۋى كەرەك - پرەزيدەنت
«ءبىزدىڭ ينتەگراتسيالىق جۇمىس ۇلتتىق قۇقىقتىق جۇيەلەردىڭ ەرەكشەلىگىن ەسكەرىپ، ۇلتتىق زاڭنامالاردىڭ ۇيلەسىمى ءۇشىن قاجەتتىلىككە بايلانىستى ارەكەت ەتۋى كەرەك. سول سەبەپتى ستراتەگيادا كەلتىرىلگەنىندەي، ءبىرقاتار سالادا، اتاپ ايتقاندا كەدەن ىسىندە، تەحنيكالىق رەتتەۋدە، تۇتىنۋشىلاردىڭ قۇقىعىن قورعاۋ سالاسىندا قۇقىقتىق، اكىمشىلىك، سالىقتىق، قىلمىستىق جاۋاپكەرشىلىكتى ەنگىزۋ تۋراسىنداعى زاڭنامالاردى ۇيلەستىرۋ مەن ۋنيفيكاتسيالاۋ - ءبىزدىڭ ويىمىزشا ويلى تولىققاندىلىققا جاۋاپ بەرمەيدى. اينالىپ كەلگەندە بۇل ۇلتتىق قوعامدىق ويلاردىڭ ستراتەگيانى شەتكە ىسىرۋىنا اكەپ سوعادى. سەبەبى ستراتەگيا ۇكىمەت پەن پارلامەنتتىڭ ەگەمەندى قۇقىعىن شەكتەيدى»، - دەدى قازاقستان پرەزيدەنتى.
سونىمەن بىرگە، مەملەكەت باسشىسى قازىرگى كەلىسىمدەرگە سايكەس اكىمشىلىك سەرىكتەستىك، بۇزۋشىلار بويىنشا اقپارات الماسۋ، ترانشەكارالىق سيپاتتاعى قاۋىپتەردىڭ الدىن الۋ سەكىلدى سالالاردا قۇزىرەتتى ورگانداردىڭ اراسىندا بەلگىلى ءبىر بايلانىسۋ الاڭى قالىپتاسقانىن ايتتى.
ايتا كەتسەك وتىرىستا ەۋرازيالىق ەكونوميكالىق ينتەگراتسيانىڭ 2025 -جىلعا دەيىنگى ستراتەگيالىق باعىتتارى قاراستىرىلۋدا.
اۆتور: ايان بەكەن ۇلى
