ەلورداداعى الماتى اۋدانىنىڭ اكىمى قىزمەتىنەن كەتتى

نۇر-سۇلتان. قازاقپارات - ەلوردانىڭ الماتى اۋدانىنىڭ اكىمى ادىلبەك سارسەمبايەۆ قىزمەتىنەن كەتتى، دەپ حابارلايدى قازاقپارات.

ءوزىنىڭ ايتۋىنشا، ول باسقا قىزمەتكە اۋىسىنا بايلانىستى الماتى اۋدانىنىڭ اكىمى رەتىندەگى قىزمەتىن توقتاتقان. ول بۇل لاۋازىمدا 3,5 جىل ەڭبەك ەتتى. «كۇندەلىكتى ءبىز ارىپتەستەرىمىزبەن اۋدانىمىزدى جاقسى جاعىنان كورسەتۋگە تىرىستىق، حالىقپەن كەزدەستىك، اۋدان اۋماعىن جۇمىس بابىمەن ارالادىق، ءىس-شارالار وتكىزدىك. تۇرعىندارمەن جاقسى بايلانىس ورناتا العانىمدى ماقتان تۇتامىن، ءبىز تۇرعىنداردى مازالاعان ماسەلەلەردى بىلدىك جانە تۇرعىنداردىڭ قاجەتسىنۋىنە سۇيەنە وتىرىپ شەشىم قابىلدادىق. وسى ۋاقىت ىشىندە تۇرعىندار الدىندا بىرنەشە مارتە ەسەپ بەردىم، ءىس جۇزىندە تۇرعىنداردىڭ بارلىق ءوتىنىشىن ورىندادىم، ءبىراق ولاردىڭ اراسىندا شەشىلمەگەن ءبىراز پروبلەما قالدى. اپپارات ۇجىمىنىڭ جۇمىس ىستەيتىنىنە جانە بۇل ماسەلەلەردى شەشەتىنىنە سەنىمدىمىن»، - دەپ جازدى ادىلبەك سارسەمبايەۆ Facebook پاراقشاسىندا.

ايتا كەتەيىك، ادىلبەك سارسەمبايەۆ «قازاقستان ينجينيرينگ» ۇلتتىق كومپانياسى» ا ق باسقارما ءتوراعاسى قىزمەتىنە تاعايىندالدى.