پرەزيدەنت ەربولات دوسايەۆقا ءبىرقاتار تاپسىرمالار بەردى

نۇر- سۇلتان. قازاقپارات - مەملەكەت باسشىسى ۇلتتىق بانك ءتوراعاسى ەربولات دوسايەۆتى قابىلدادى، دەپ حابارلايدى اقوردا.

قاسىم- جومارت توقايەۆقا قارجى نارىعىنىڭ قازىرگى احۋالى مەن بيىلعى قاڭتار- ءساۋىر ايلارىندا جۇزەگە اسىرىلعان اقشا- نەسيە ساياساتىنىڭ قورىتىندىلارى جونىندە مالىمەت بەردى.

سونداي- اق ەربولات دوسايەۆ داعدارىسقا قارسى شارالاردىڭ ىسكە اسىرىلۋى جانە ەكونوميكالىق ءوسىمدى قايتا قالپىنا كەلتىرۋ جولدارى تۋرالى باياندادى. قازاقستان پرەزيدەنتى جۇمىسپەن قامتۋ جول كارتاسىنا بولىنگەن قارجىنىڭ ءتيىمدى جۇمسالۋىن قاتاڭ باقىلاۋعا الۋدى جانە ونىڭ كوزدەلگەن ماقساتقا ساي پايدالانىلۋىن قامتاماسىز ەتۋدىڭ ماڭىزىن اتاپ ءوتتى. وسى رەتتە مەملەكەت باسشىسى ءوندىرىس سالاسىندا جاڭا جۇمىس ورىندارىن اشۋ قاجەتتىگىن ايتتى. كەزدەسۋ قورىتىندىسى بويىنشا قاسىم- جومارت توقايەۆ ءبىرقاتار ناقتى تاپسىرما بەردى.