مەملەكەتتىك قىزمەتكەرلەر بەس ەسە جوعارى جالاقى الۋ ءتيىس - پرەزيدەنت كەڭەسشىسى

نۇر-سۇلتان. قازاقپارات - قازاقستان پرەزيدەنتى قاسىم-جومارت كەمەل ۇلى مەملەكەتتىك اپپاراتى جاڭارتۋ قاجەت ەكەنىن مالىمدەدى.

پرەزيدەنتتىڭ كەڭەسشىسى ولجاس قۇدايبەرگەنوۆ ەڭبەكاقى جۇيەسىن وزگەرتۋ ارقىلى ەلىمىزدەگى جەمقورلىقتى تومەندەتۋگە بولاتىنى تۋرالى ايتتى، دەپ حابارلايدى Oinet.kz ءتىلشىسى.

«مەملەكەتتىك قىزمەتكەرلەردىڭ جالاقىسى، اسىرەسە، ەلىمىزدىڭ ايماقتارىندا وتە از. ءتىپتى ەلوردانىڭ وزىندە 100-150 مىڭ تەڭگە. 200، 300، 500 مىڭ تەڭگە الاتىنداردىڭ ۇلەسى - نەبارى %5 دى قۇرايدى. وسى ماسەلەنى شەشۋىمىز كەرەك. مەملەكەتتىك قىزمەتكەرلەر بەس ەسە جوعارى جالاقى الۋ ءتيىس. ءبىراق ولاردىڭ جاۋاپكەرشىلىگى دە ارتىپ، جەمقورلىقپەن كۇرەسكە بەلسەنە ات سالىسىپ، شەتەلدەگى جانە مەملەكەتىمىزدەگى قورلارى تەكسەرىسكە الىنۋى قاجەت»، - دەيدى قۇدايبەرگەنوۆ.

ونىڭ ايتۋىنشا، حالىق ەگەر ەلىمىزدە ءادىل شەنەۋنىكتەر كوبەيسە، بۇل باستامانى قولدايتىنىن العا تارتتى.

«جەمقورلىققا قاتىسى بولىپ ۇستالعان شەنەۋنىكتەر باسقا جۇمىسقا اۋىسا سالىپ جاتادى. بۇل جاعدايدىڭ تۇپكىلىكتى تۇردە جويۋلۋى مىندەتتى. كەيدە پارا العان قىزمەتكەر جازالانباي قالادى. ەگەر وسىنداي دۇنيەلەر ساقتالسا، ارينە، جۇرت شەنەۋنىكتەردىڭ جالاقاسىن كوتەرۋگە نارازى بولادى»، - دەپ قوستى ول.