ازىق-تۇلىكتىڭ شەكتى باعاسىن باقىلاۋ تۋرالى ءۇش مينيسترلىكتىڭ بىرلەسكەن بۇيرىعى كۇشىن جويدى

نۇر-سۇلتان. قازاقپارات - الەۋمەتتىك ماڭىزى بار ازىق-تۇلىك تاۋارلارىنىڭ شەكتى باعاسى تۋرالى ءۇش مينيسترلىكتىڭ بىرلەسكەن بۇيرىعىنىڭ مەرزىمى اياقتالدى، دەپ حابارلايدى قازاقپارات ق ر ساۋدا جانە ينتەگراتسيا مينيسترلىگىنىڭ باسپا ءسوز قىزمەتىنە سىلتەمە جاساپ.

11- مامىردا قازاقستان رەسپۋبليكاسى پرەزيدەنتىنىڭ 2020-جىلعى 15- ناۋرىزداعى 285№ جارلىعىنا سايكەس ەنگىزىلگەن توتەنشە جاعداي اياقتالدى.

«وسىعان بايلانىستى، قازاقستان رەسپۋبليكاسىنداعى توتەنشە جاعداي كەزەڭىندە ق ر ساۋدا جانە ينتەگراتسيا ءمينيسترىنىڭ 2020-جىلعى 3- ساۋىردەگى 63№ -ن ق، ق ر اۋىل شارۋاشىلىعى ءمينيسترىنىڭ 2020-جىلعى 3- ساۋىردەگى 113№ جانە ق ر ۇلتتىق ەكونوميكا ءمينيسترىنىڭ 2020-جىلعى 3- ساۋىردەگى 23№ «الەۋمەتتىك ماڭىزى بار ازىق-تۇلىك تاۋارلارىنىڭ شەكتى بولشەك ساۋدا باعالارىن ەنگىزۋ تۋرالى» بىرلەسكەن بۇيرىعى كۇشىن جويدى.

جوعارىدا ايتىلعانداردى ەسكەرە وتىرىپ، الەۋمەتتىك ماڭىزى بار ازىق-تۇلىك تاۋارلارعا باعانىڭ وسۋىنە جول بەرمەۋ ءۇشىن الەۋمەتتىك ماڭىزى بار ازىق-تۇلىك تاۋارلاردىڭ باعالارىن تۇراقتاندىرۋ بويىنشا قولدانىستاعى قۇرالدار پايدالانىلادى»، دەلىنگەن حابارلامادا.