توتەنشە جاعداي كەزىندە كومەككە كەلگەن اسكەريلەر ءوز بولىمدەرىنە قايتارىلادى
وسىعان بايلانىستى قازاقستان قارۋلى كۇشتەرىنىڭ بلوكپوستتاردى كۇشەيتۋ، ەلدى مەكەندەردى دەزينفەكسيالاۋ جانە پاترۋلدەۋ بويىنشا كەزەكشىلىككە تارتىلعان جەكە قۇرامى مەن اسكەري تەحنيكاسى ءوزىنىڭ تۇراقتى ورنالاسقان پۋنكتتەرىنە قايتادى، دەپ حابارلايدى قازاقپارات.
بۇگىن وتان قورعاۋشىلار كۇنى قورعانىس مينيسترلىگى باسپا ءسوز قىزمەتىنىڭ حابارلاۋىنشا، اسكەريلەر دە اسكەري- كولىك اۆياتسياسىنىڭ كۇشىمەن، سونداي- اق ءوز تەحنيكالارىمەن پۋنكتتەرىنە جەتكىزىلەدى. «بۇل رەتتە، ارنايى جيىندارعا شاقىرىلعان اۋماقتىق قورعانىس اسكەرلەرىنىڭ اسكەري قىزمەتشىلەرى مىندەتتەرىن بۇرىن بەكىتىلگەن مەرزىمگە جانە جەرگىلىكتى اتقارۋشى ورگانداردىڭ جوسپارىنا سايكەس ورىنداۋدى جالعاستىرادى»، دەلىنگەن حابارلامادا.
ەلدە توتەنشە جاعداي ەنگىزىلگەن كۇننەن باستاپ اسكەريلەرگە رەجيمدى قامتاماسىز ەتۋ جانە ۆيرۋسپەن كۇرەستە ماڭىزدى مىندەتتەر جۇكتەلدى. اسكەري قىزمەتشىلەر اۋماقتار مەن وبەكتىلەردى وڭدەپ، بلوك بەكەتتەردە جانە پاترۋلدەردە قىزمەت اتقاردى.
