قازاقستاندىقتاردان ۇشاققا وتىراردا كوروناۆيرۋسقا انىقتاما تالاپ ەتىلمەيتىن بولدى

نۇر-سۇلتان. قازاقپارات - كولىكتەگى باس مەملەكەتتىك سانيتارلىق دارىگەر ءسادۋاقاس بايعابىلوۆ اۋە كولىگىندە Covid-19 ينفەكسياسىنا پ ت ر تەستتەن ءوتۋ مىندەتتىلىگى جونىندەگى تالاپتاردى الىپ تاستاۋ تۋرالى تۇسىنىكتەمە بەردى.

وسىعان دەيىن مالىمدەلگەندەي، الداعى ۋاقىتتا ەلدىڭ ىشكى اۋە رەيستەرىنە تالاپتار جۇمسارتىلادى. سەبەبى قازىر سىرتتان كەلەتىن جولاۋشىلارعا COVID-19 بەلگىلەرىن راستايتىن جانە باسقا دا تالاپتار بويىنشا ارنايى مونيتورينگ جۇرگىزىلەدى.

ايتا كەتۋ كەرەك، 2020 -جىلدىڭ 1-10-مامىرى ارالىعىندا جۇرگىزىلگەن مونيتورينگ ناتيجەلەرى بويىنشا اۋە كەمەسىمەن ۇشىپ كەلگەن جولاۋشىلار، اۋەجاي قىزمەتكەرلەرى مەن اۋە كەمەسىنىڭ ەكيپاجدارى اراسىندا كوروناۆيرۋس ينفەكسياسىن جۇقتىرۋ وقيعالارى تىركەلگەن جوق.

وسىعان بايلانىستى، بيىلعى جىلدىڭ 11-مامىرىنان باستاپ جولاۋشىلار، اۋەجايلار قىزمەتىنىڭ وكىلدەرى جانە ەكيپاج ءۇشىن Covid-19 ينفەكسياسىنا پ ت ر تەستتەن ءوتۋ مىندەتتى تالابى الىنىپ تاستالدى. كولىكتەگى باس مەملەكەتتىك سانيتارلىق دارىگەر ءتيىستى قاۋلى قابىلدادى.