قاسىم- جومارت توقايەۆ «قازمۇنايگاز» ۇ ك ا ق- نىڭ باسقارما ءتوراعاسىن قابىلدادى
نۇر- سۇلتان. قازاقپارات - قازاقستان پرەزيدەنتى «قازمۇنايگاز» ۇ ك اكسيونەرلىك قوعامىنىڭ باسقارما ءتوراعاسى اليك ايداربايەۆتى قابىلدادى، دەپ حابارلايدى اقوردانىڭ باسپا ءسوز قىزمەتى.
مەملەكەت باسشىسىنا ۇلتتىق مۇناي- گاز كومپانياسىنىڭ 2019 -جىلعى جۇمىستارىنىڭ قورىتىندىلارى جانە الداعى كەزەڭگە ارنالعان دامۋ جوسپارلارى جونىندە باياندالدى.
قاسىم- جومارت توقايەۆقا «قازمۇنايگاز» ۇ ك اكسيونەرلىك قوعامىنىڭ قاتىسۋىمەن جۇزەگە اسىرىلىپ جاتقان ءىرى ينۆەستيتسيالىق جوبالار، الەمنىڭ كوپتەگەن ەلىنە كوروناۆيرۋس ىندەتىنىڭ تارالۋىنا بايلانىستى كومپانيانىڭ قابىلداعان شارالارى تۋرالى مالىمەت بەرىلدى. سونىمەن قاتار كومپانيادا قىزمەتكەرلەردىڭ شەتەلدىك ءىسساپارلارىنا شەكتەۋ قويىلىپ، ءوندىرىس ورىندارى مەن وفيستەردە الدىن الۋ شارالارى قابىلدانعان.
مەملەكەت باسشىسى ۆيرۋستىڭ ءوندىرىس ۇدەرىسىنە جانە ينۆەستيتسيالىق جوبالاردىڭ جۇزەگە اسىرىلۋىنا كەرى اسەرىن ازايتۋ جونىندە شارالار قابىلداۋدى تاپسىردى.
