باس سانيتارلىق دارىگەر كوروناۆيرۋستىڭ الدىن الۋ شارالارىن كۇشەيتۋ تۋرالى قاۋلى قابىلدادى
«ق ر باس مەملەكەتتىك سانيتارلىق دارىگەرى 25 - اقپاندا «قازاقستان رەسپۋبليكاسىندا كوروناۆيرۋستىق ينفەكتسيانىڭ الدىن الۋ شارالارىن ودان ءارى كۇشەيتۋ تۋرالى« قاۋلى قابىلدادى، 1 - ناۋرىزدان باستاپ كۇشىنە ەنەدى. وسى قاۋلىعا سايكەس COVID - 19 جاعدايلارى تىركەلگەن ەلدەر 3 ساناتقا بولىنەدى. جىكتەمەگە بايلانىستى وسى ەلدەردەن ق ر- عا كەلگەن ادامدارعا قاتىستى ەپيدەمياعا قارسى ءىس- شارالار جۇرگىزىلەتىن بولادى» ، دەلىنگەن حابارلامادا.
1 ا) سانات: بۇل كوروناۆيرۋستىق ينفەكسيامەن ( ق ح ر، يران) اۋرۋشاڭدىق بويىنشا قولايسىز ەلدەردەن كەلگەن ادامدار. ولاردىڭ بارلىعى 14 كۇنگە وقشاۋلاۋمەن كارانتينگە ورنالاستىرىلادى. سودان سوڭ، تاعى 10 كۇن ىشىندە شىققاننان كەيىن، ولار مەديتسينالىق باقىلاۋدا بولادى ۇيىمدارىندا مەديتسينالىق- سانيتاريالىق العاشقى كومەك (بۇدان ءارى - مساك) تۇرعىلىقتى مەكەن- جايى بويىنشا كورسەتىلەدى. كۇندەلىكتى تەلەفون شالۋ ارقىلى جاعدايىن انىقتايتىن بولادى.
1 ب) سانات: بۇل ق ح ر گونكونگ س ا ر، ق ح ر ماكاو س ا ر، تايۆان (ق ح ر) ، وڭتۇستىك كورەيا، جاپونيا، يتاليادان كەلگەندەر. ولاردىڭ بارلىعى ادامدار كوپ جينالاتىن جەرلەرگە بارماس ءۇشىن ۇيىندە وقشاۋلانادى. ولارعا 14 كۇن ىشىندە تۇراتىن (بولاتىن) جەرى بويىنشا ب م س ك قىزمەتكەرلەرىنىڭ كۇندەلىكتى باقىلاۋى بەلگىلەنەتىن بولادى. ودان كەيىن تاعى 10 كۇن ىشىندە تۇراتىن جەرى بويىنشا ب م س ك ۇيىمدارىندا مەديتسينالىق باقىلاۋ جۇرگىزىلەدى (كۇن سايىنعى قوڭىراۋ شالۋ) .
2 سانات: سينگاپۋردان، تايلاندتان، ازەربايجاننان كەلگەن ادامدار. ولاردى ب م س ك مەديتسينا قىزمەتكەرلەرى تۇراتىن (بولاتىن) جەرى بويىنشا 14 كۇن ىشىندە قاداعالايتىن بولادى. ودان ءارى مەديتسينالىق باقىلاۋ كۇن سايىن قوڭىراۋ شالۋ ارقىلى 10 كۇن ىشىندە جۇزەگە اسىرىلادى.
3 سانات: گەرمانيا، ا ق ش، ب ا ءا، ۇلى بريتانيا، فرانسيا، باحرەين، كۋۆەيت، يسپانيا، مالايزيادان كەلگەن تۇلعالار. بارلىعى ق ر شەكاراسىنان وتكەن كۇننەن باستاپ 24 كۇن ىشىندە قوڭىراۋ شالۋ ارقىلى تۇرعىلىقتى جەرى بويىنشا ب م س ك مەديتسينالىق قاداعالاۋىندا بولادى.
