ق ر پرەزيدەنتى: مەملەكەت تاراپىنان وتاندىق ب ا ق- قا قولداۋ كورسەتىلە بەرەدى
نۇر- سۇلتان. قازاقپارات – ق ر پرەزيدەنتى قاسىم- جومارت توقايەۆ ۇلتتىق قوعامدىق سەنىم كەڭەسىنىڭ مۇشەسى ميحايل دوروفەيەۆتى قابىلدادى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.
ۇلتتىق قوعامدىق سەنىم كەڭەسىنىڭ مۇشەسى، بەلگىلى جۋرناليست ميحايل دوروفەيەۆ مەملەكەت باسشىسىنا وتاندىق اقپارات كەڭىستىگىندەگى احۋال جونىندە وي- پىكىرىن ايتتى.
سونىمەن قاتار اڭگىمەلەسۋ بارىسىندا بۇقارالىق اقپارات قۇرالدارىنىڭ باسەكەگە قابىلەتتىلىگىن ارتتىرۋعا، مەملەكەتتىك اقپاراتتىق تاپسىرىستى ءتيىمدى جۇزەگە اسىرۋعا، سونداي- اق، جۋرناليستەردىڭ قۇقىعىن قورعاۋعا قاتىستى ماسەلەلەر ءسوز بولدى.
ميحايل دوروفەيەۆ قاسىم- جومارت توقايەۆقا مەديا- قوعامداستىقتىڭ اتىنان جالا جابۋ تۋرالى قىلمىستىق كودەكستىڭ 130-بابىن قىلمىستىق دەپ تانىماۋ جونىندەگى شەشىمى ءۇشىن العىس ءبىلدىردى.
قازاقستان پرەزيدەنتى تەليەۆيزياداعى ساپالى كونتەنتتى دامىتۋدىڭ ماڭىزدىلىعىن اتاپ ءوتىپ، مەملەكەت تاراپىنان وتاندىق ب ا ق- قا قولداۋ كورسەتىلە بەرەتىنىن ايتتى.
