ق ر ي ي د م باسشىسى پرەزيدەنتكە مەمباعدارلامالاردىڭ جۇزەگە اسىرىلۋى تۋرالى باياندادى

نۇر- سۇلتان. قازاقپارات - قازاقستان پرەزيدەنتى قاسىم- جومارت توقايەۆ يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆتى قابىلدادى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمەمەن.

مەملەكەت باسشىسىنا «نۇرلى جەر»، «نۇرلى جول» جانە يندۋستريالاندىرۋ باعدارلامالارىنىڭ جۇزەگە اسىرىلۋى تۋرالى باياندالدى.

كەزدەسۋ بارىسىندا تۇرعىن ءۇي قۇرىلىسىنا، سونىڭ ىشىندە از قامتىلعان جانە كوپبالالى وتباسىلاردى، جاستاردى باسپانامەن قامتاماسىز ەتۋ ماسەلەلەرىنە باسا ءمان بەرىلدى.

سونىمەن قاتار قاسىم- جومارت توقايەۆقا كولىك سالاسىن دامىتۋ، اۆتوموبيل جولدارىن قايتا جوندەۋ جانە ينۆەستيتسيالىق جوبالاردى ىسكە اسىرۋ ءۇشىن قابىلدانعان شارالار تۋرالى مالىمەت بەرىلدى.

كەزدەسۋ قورىتىندىسى بويىنشا پرەزيدەنت مەملەكەتتىك باعدارلامالاردى ساپالى جۇزەگە اسىرۋ جونىندە ءبىرقاتار ناقتى تاپسىرما بەردى.