قازاقستان پرەزيدەنتى ۆولونتەرلەردىڭ «بىرگەمىز» باس كەڭسەسىن سالتاناتتى تۇردە اشادى

نۇر-سۇلتان. قازاقپارات - بۇگىن مەملەكەت باسشىسى قاسىم-جومارت توقايەۆ ەكسپو كورمەسىنىڭ «Art Hub» پاۆيلونىندا ورنالاسقان ۆولونتەرلەردىڭ «Birgemiz» رەسپۋبليكالىق فرونت- كەڭسەسى جۇمىسىنا رەسمي تۇردە باستاۋ بەرەدى، دەپ حابارلايدى قازاقپارات ءتىلشىسى.

ۆولونتەر جىلى اياسىندا فرونت- كەڭسەنىڭ اشىلۋى بارىسىندا «QQAZVOLUNTEER. KZ» ونلاين پلاتفورماسىنىڭ قىزمەتى جانە ۆولونتەرلىكتىڭ «Bilim», «Qamqor», «Úmit», «Sabaqtastyq», «Taza Álem» جانە «Saulyq» اتتى 7 سالالىق باعىت بويىنشا الاڭدارى تانىستىرىلادى.

اتالعان جوبالاردى جۇزەگە اسىرۋ اياسىندا ازاماتتاردىڭ ناقتى جەرگىلىكتى ماسەلەلەردى شەشۋدەگى تالپىنىسىن قولداۋ ءۇشىن شاعىن گرانتتار ءبولۋ قاراستىرىلۋدا.