ەلباسى: كوروناۆيرۋس قىتايدىڭ دا، قازاقستاننىڭ دا ەكونوميكاسىنا كەرى اسەر ەتۋى مۇمكىن
قاۋىپسىزدىك كەڭەسىنىڭ ءتوراعاسى نۇرسۇلتان نازاربايەۆ كوروناۆيرۋس توڭىرەگىندەگى جاعداي قىتاي ەكونوميكاسىنا دا، قازاقستان ەكونوميكاسىنا تەرىس اسەر ەتۋى مۇمكىن ەكەنىن اتاپ ءوتتى.
«ءبىز قول قۋسىرىپ وتىرماۋىمىز كەرەك. بارلىق جاعدايعا دايىن بولىپ، ءدارى- دارمەك پەن باسقا دا قاجەتتى رەسۋرستار قورىن قامتاماسىز ەتۋ قاجەت. بۇل ماسەلە باقىلاۋدا بولۋى كەرەك. مۇنداي جاعدايلاردا جاسالاتىن شارالاردى قاراستىرۋ كەرەك. ونىڭ ىشىندە سىرتقى فاكتوردىڭ ۇلتتىق ەكونوميكامىزعا تەرىس اسەرىن بولدىرماۋىمىز كەرەك» ، - دەدى نۇرسۇلتان نازاربايەۆ.
ايتا كەتەيىك، ەلوردادا ق ر تۇڭعىش پرەزيدەنتىنىڭ توراعالىعىمەن قاۋىپسىزدىك كەڭەسىنىڭ وتىرىسى ءوتتى. جيىن بارىسىندا جامبىل وبلىسى قورداي اۋدانىنداعى جاعداي، بيولوگيالىق قاۋىپسىزدىكتى قامتاماسىز ەتۋ جانە كوروناۆيرۋستىق ينفەكتسيانىڭ تارالۋىنا قارسى تۇرۋ ماسەلەلەرى قارالدى.
