حالىقتىڭ ناقتى تابىسىن ارتتىرۋ جۇمىستارىن كۇشەيتۋ قاجەت - اسقار مامين
«ەلباسى نۇرسۇلتان نازاربايەۆ پەن مەملەكەت باسشىسى قاسىم-جومارت توقايەۆتىڭ ەكونوميكا ءوسىمىن قامتاماسىز ەتۋ تاپسىرمالارىن ورىنداۋ ماقساتىندا وسى جىلعا جوسپارلانعان ەكونوميكا ءوسىمى قارقىنىن ءبىرىنشى ايدان باستاپ ساقتاۋ كەرەك. قاڭتاردا جالپى ىشكى ءونىمنىڭ ءوسىمى 3,6 پايىزدى قۇرادى. ءوسىم نەگىزىنەن قۇرىلىستا، ساۋدادا، كولىك سالاسىندا، تاۋ-كەن وندىرىسىندە، وڭدەۋشى سەكتوردا، ونىڭ ىشىندە ماشينا جاساۋدا جانە قارا مەتاللۋرگيادا تىركەلدى»، - دەدى ۇكىمەت باسشىسى.
ونىڭ اتاپ وتۋىنشە، قاڭتاردا نەگىزگى كورسەتكىشتەر بويىنشا اتىراۋ، تۇركىستان، پاۆلودار جانە شىعىس قازاقستان وبلىستارىنىڭ دامۋ قارقىنى جاقسى.
«ەكونوميكا ورنىقتى جانە ساپالى ءوسۋى ءۇشىن ءار ءوڭىردىڭ ۇلەسى ماڭىزدى. مەملەكەتتىك ورگاندار مەن وڭىرلەردىڭ باسشىلارى ينۆەستيتسيا تارتۋ، جۇمىس ورىندارىن اشۋ، شاعىن جانە ورتا بيزنەستى دامىتۋ، ەڭبەك ونىمدىلىگى مەن حالىقتىڭ ناقتى تابىسىن ارتتىرۋ بويىنشا جۇمىستى كۇشەيتۋ قاجەت»، - دەدى اسقار مامين.
