20:09, 10 - اقپان 2020 | GMT +6
قاسىم- جومارت توقايەۆ سوورونباي جەيەنبەكوۆپەن قورداي اۋدانىندا بولعان وقيعانى تالقىلادى
نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ قىرعىز رەسپۋبليكاسىنىڭ پرەزيدەنتى سوورونباي جەيەنبەكوۆپەن تەلەفون ارقىلى سويلەسىپ، ەكىجاقتى ىنتىماقتاستىقتىڭ وزەكتى ماسەلەلەرىن، سونداي- اق، جامبىل وبلىسى قورداي اۋدانىندا بولعان وقيعانى تالقىلادى.
بۇل تۋرالى اقوردانىڭ باسپا ءسوز قىزمەتى حابارلادى.
قىرعىزستاننىڭ كوشباسشىسى قازا بولعانداردىڭ جاقىندارى مەن تۋىستارىنا كوڭىل ايتىپ، زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك ءبىلدىردى.
قاسىم- جومارت توقايەۆ سوورونباي جەيەنبەكوۆكە قولداۋ كورسەتكەنى ءۇشىن ريزاشىلىق ءبىلدىرىپ، ەكى ەل اراسىنداعى تاتۋ كورشىلىك، سەرىكتەستىك پەن وداقتاستىق ورتالىق ازيا ايماعىنداعى تۇراقتىلىقتى ساقتاۋدىڭ ماڭىزدى فاكتورى سانالاتىنىن اتاپ ءوتتى.
