قاسىم- جومارت توقايەۆ ق ر ىشكى ىستەر ءمينيسترىن قابىلدادى

نۇر- سۇلتان. قازاقپارات - قازاقستان پرەزيدەنتى قاسىم- جومارت توقايەۆ ىشكى ىستەر ءمينيسترىن قابىلدادى، دەپ حابارلايدى اقوردانىڭ باسپا ءسوز قىزمەتى.

مەملەكەت باسشىسى ىشكى ىستەر ءمينيسترى ەرلان تۇرعىمبايەۆتىڭ جامبىل وبلىسى قورداي اۋدانىنداعى جاعدايدى تۇراقتاندىرۋعا بايلانىستى قابىلدانىپ جاتقان شارالارى جايىندا ەسەبىن تىڭدادى.

قاسىم- جومارت توقايەۆ مينيسترگە وبلىستاعى احۋالدى قاتاڭ باقىلاۋعا الىپ، ازاماتتاردىڭ قاۋىپسىزدىگىنە جانە ەلىمىزدىڭ ابىرويىنا نۇقسان كەلتىرەتىن وسىنداي وقيعالارعا جول بەرمەۋ ماقساتىندا قۇقىقتىق ءتارتىپتى قامتاماسىز ەتۋدى تاپسىردى.

قوعامدىق ءتارتىپتى بۇزىپ، كىسى ولىمىنە جانە دۇنيە- مۇلىكتىڭ بۇلىنۋىنە اكەپ سوقتىرعان بۇزاقىلار زاڭعا سايكەس جاۋاپقا تارتىلۋى ءتيىس.