قازاقستان ءوز ازاماتتارىن قىتايدان ەۆاكۋاتسيالاۋدى جالعاستىرادى – ق ر س ءى م
بۇل تۋرالى ق ر سىرتقى ىستەر مينيسترلىگى Telegram-دا جازدى، دەپ حابارلايدى قازاقپارات.
بيىلعى 10- جانە 12- اقپاندا قازاقستاندىق ازاماتتاردى اكەلۋ ءۇشىن قىتاي بيلىگىمەن كەلىسىم بويىنشا بەيجىڭگە «Air Astana» اۋەكومپانياسىنىڭ ەكى ۇشاعى جىبەرىلەدى. ۇشۋ بارىسىندا جولاۋشىلارمەن بىرگە مەديتسينالىق قىزمەتكەرلەر بولادى.
«قىتاي تاراپىنىڭ ءوتىنىشى بويىنشا وسى رەيستەر ارقىلى بەيجىڭگە قازاقستانداعى قىتايدىڭ 47 ازاماتىن، سونداي-اق قىتاي ەلشىلىگىنىڭ كوممەرتسيالىق ەمەس جۇگىن جەتكىزۋ جوسپارلانۋدا.
قازىرگى ۋاقىتتا ق ح ر اۋماعىندا ق ر- دىڭ 719 ازاماتى بار، ونىڭ 391 وتانىنا ورالۋعا كومەك كورسەتۋ تۋرالى ءوتىنىش ءبىلدىردى. قالعاندارى - ديپلوماتيالىق مەكەمەلەردىڭ قىزمەتكەرلەرى مەن وتباسى مۇشەلەرى، ستۋدەنتتەر جانە باسقا دا جەكە تۇلعالار قىتايدا قالۋعا تىلەك ءبىلدىردى.
قازاقستاننىڭ ق ح ر- داعى ديپلوماتيالىق مەكەمەلەرى قاجەت بولعان جاعدايدا ءتيىستى كومەك كورسەتۋ ءۇشىن ق ر ازاماتتارىمەن جۇمىستى جالعاستىرۋدا جانە تۇراقتى بايلانىستا. اتالعان بارلىق شارالار ق ح ر اۋماعىنداعى ءبىزدىڭ ازاماتتارعا بايلانىستى بارلىق ماسەلەلەردى شەشۋگە سىندارلى كوزقاراس تانىتاتىن قىتاي تاراپىمەن تىعىز ۇيلەستىرۋ نەگىزىندە جۇزەگە اسىرىلادى»، - دەلىنگەن مينيسترلىك مالىمەتىندە.
