پوليتسيا قوردايداعى قاقتىعىسقا قاتىسى بار ارانداتۋشىلاردى انىقتادى

نۇر- سۇلتان. قازاقپارات - ىشكى ىستەر ءمينيسترىنىڭ ورىنباسارى الەكسەي كالايچيدي قوردايداعى وقيعا كەزىندەگى پروۆوكاتورلاردىڭ انىقتالعانىن ءمالىم ەتتى، دەپ حابارلايدى قازاقپارات ءتىلشىسى.

«ءبىز پروۆاكاتورلاردى انىقتادىق. ەڭ جامانى، ولار ۆيدەونى جاعىمسىز پىكىرمەن تاراتقان. وسىدان بارىپ جاستار ارانداتۋشىلاردىڭ سوزىنە ەرىپ، ءىستىڭ انىق- قانىعىن ءبىلىپ جاتپاي، توبەلەسكە ارالاسىپ كەتكەن»، - دەدى الەكسەي كالايچيدي و ك ق- دا وتكەن باسپا ءسوز ءماسليحاتىنان كەيىن تىلشىلەرگە.

ونىڭ ايتۋىنشا، سول ءتۇنى وقيعا ورنىندا بولعانداردىڭ بارىنەن جاۋاپ الىنادى. سونىمەن قاتار ۆيدەوفاكتىلەردىڭ بازاسى جاسالادى. وسىدان كەيىن سول جەردە بولعان ءار ادامنىڭ وقيعا كەزىندەگى ءرولى انىقتالماق.

«سودان كەيىن ءاربىر ادامنىڭ ناقتى سول جەرگە كەلۋىنە نە سەبەپ بولعانىن ايتىپ بەرە الامىز»، - دەدى ول.

اۆتور: ايان بەكەن ۇلى