دارحان مىڭباي: ىشكى ىستەر مينيسترلىگى قوردايداعى وقيعادان قورىتىندى شىعارۋى كەرەك

نۇر- سۇلتان. قازاقپارات - پارلامەنت ءماجىلىسىنىڭ دەپۋتاتى دارحان مىڭباي قوردايداعى وقيعاعا بايلانىستى پىكىر ءبىلدىردى، دەپ حابارلايدى قازاقپارات ءتىلشىسى.

«مەنىڭشە، بۇل وقيعانىڭ باعاسى پرەزيدەنت ايتقانداي «نەگىزگى سەبەپ انىقتالعاننان كەيىن» بەرىلەدى. بۇل جەردە ءبىز حالىقتىڭ جەكە ساناتىنىڭ تاراپىنان قۇقىقتىق نيگيليزمدى ءارى قورداي ىشكى ىستەر بولىمىندەگى پوليتسيا قىزمەتكەرلەرىنىڭ ءالسىز دايىندىعىن كورىپ وتىرمىز. ەگەر ولار كاسىبي تۇردە ارەكەت ەتكەندە وقيعانىڭ سالدارى مۇنشاما اۋىر بولماس ەدى. ولار قۇقىقبۇزۋشىنىڭ باعىنباي، كورسەتكەن قارسىلىعىنىڭ جولىن كەسەر ەدى. مەنىڭ ويىمشا، ىشكى ىستەر مينيسترلىگى ءتيىستى قورىتىندى شىعارۋى كەرەك»، - دەدى دارحان مىڭباي.

ەسكە سالا كەتەيىك، كەشە جامبىل وبلىسى قورداي اۋدانىنداعى ماسانچي اۋىلىنىڭ تۇرعىندارى اراسىندا جاپپاي توبەلەس بولدى. كوپ وتپەي پرەزيدەنت قاسىم- جومارت توقايەۆ جامبىل وبلىسى قورداي اۋدانىندا بولعان جاپپاي توبەلەسكە قاتىستى پىكىر بىلدىرگەن- ءدى.

«جامبىل وبلىسى قورداي اۋدانىندا بۇزاقىلىق سيپاتتاعى جاپپاي توبەلەس بولدى. ونى ارانداتۋشىلار ءوز پايداسىنا قولدانباق بولعان. پوليتسيا جاعدايدى رەتتەپ، ءوز باقىلاۋىنا الدى. قوعامدىق ءتارتىپتى بۇزعاندار جاۋاپكەرشىلىككە تارتىلادى» دەپ جازدى قاسىم- جومارت توقايەۆ Twitter پاراقشاسىندا.

ال بۇگىن مەملەكەت باسشىسى جامبىل وبلىسىنداعى وقيعاعا بايلانىستى مالىمدەمە جاسادى.

اۆتور: ايان بەكەن ۇلى