جامبىل وبلىسىندا قوعامدىق ءتارتىپتى بۇزعاندار جاۋاپكەرشىلىككە تارتىلادى – پرەزيدەنت

نۇر- سۇلتان. قازاقپارات – ق ر پرەزيدەنتى قاسىم- جومارت توقايەۆ جامبىل وبلىسى قورداي اۋدانىندا بولعان جاپپاي توبەلەسكە قاتىستى پىكىر ءبىلدىردى، دەپ حابارلايدى قازاقپارات.

«جامبىل وبلىسى قورداي اۋدانىندا بۇزاقىلىق سيپاتتاعى جاپپاي توبەلەس بولدى. ونى ارانداتۋشىلار ءوز پايداسىنا قولدانباق بولعان. پوليسيا جاعدايدى رەتتەپ، ءوز باقىلاۋىنا الدى. قوعامدىق ءتارتىپتى بۇزعاندار جاۋاپكەرشىلىككە تارتىلادى» دەپ جازدى قاسىم- جومارت توقايەۆ Twitter- دەگى پاراقشاسىندا.

ەسكە سالا كەتەيىك، جامبىل وبلىسىنىڭ قورداي اۋدانىنداعى ماسانچي اۋىلىنىڭ تۇرعىندارى اراسىندا جاپپاي توبەلەس بولدى. پوليتسيا دەپارتامەنتىنىڭ باسپا ءسوز قىزمەتى رەسىمي اقپارات تاراتتى.

«پوليسيا كۇشىمەن كونفليكت شەشىلدى، جاعداي تولىق باقىلاۋدا. جامبىل وبلىسى پوليتسيا دەپارتامەنتىنىڭ تەرگەۋ باسقارماسى ق ر قىلمىستىق كودەكسىنىڭ 293-بابى (بۇزاقىلىق) بويىنشا سوتقا دەيىنگى تەرگەۋ امالدارىن باستادى» ، - دەلىنگەن حابارلامادا. توبەلەستى باستاعاندار مەن قاتىسقاندار انىقتالىپ جاتىر. جامبىل وبلىسى پوليسيا دەپارتامەنتى تۇرعىنداردى تەك رەسمي اقپاراتتارعا عانا سەنۋگە شاقىرادى جانە جالعان اقپارات تاراتپاۋدى سۇرايدى. «جالعان اقپارات تاراتقانى ءۇشىن، ونىڭ ىشىندە الەۋمەتتىك جەلىلەر مەن جەدەل حابارلاۋشىلار ءۇشىن قىلمىستىق جاۋاپكەرشىلىك قاراستىرىلعانىن ەسكەرتەمىز» ، - دەيدى دەپارتامەنت.