داۋرەن ابايەۆ ا ق ش مەملەكەتتىك حاتشىسىنىڭ قازاقستانعا ساپارىنا قاتىستى پىكىر ءبىلدىردى
«بۇل وتە ماڭىزدى ساپار بولدى. ونىڭ تاشكەنتتەگى س5+1 فورماتىنداعى ورتالىق ازيا مەن ا ق ش ەلدەرىنىڭ سىرتقى ىستەر مينيسترلەرىنىڭ كەزدەسۋى اياسىندا بولعانىن ۇمىتپايىق. مەنىڭ ويىمشا، ۆاشينگتون كەزەكتى رەت وزدەرىنىڭ سىرتقى ساياساتىندا ءبىزدىڭ ءوڭىردىڭ ماڭىزدى ەكەنىن كورسەتتى جانە بۇل قالىپتى جاعداي»، - دەدى مينيستر «حابار» ارناسىنداعى «اشىق ديالوگ» باعدارلاماسىندا.
سونىمەن بىرگە، د. ابايەۆ گەوساياسي تۇرعىداعى كەيبىر ساراپشىلاردىڭ سىني پىكىرلەرىنە جاۋاپ بەردى.
«قازىر حالىقارالىق قاتىناستاردىڭ بيپوليارلى جۇيەسى ساناتتارىمەن پايىمداۋ دۇرىس ەمەس. قازىر «بىزبەن بىرگە بولماعاندار بىزگە قارسى» قاعيداسى جۇمىس ىستەگەن قىرعي-قاباق سوعىس جوق. ءدال سول كۇندەرى ءبىزدىڭ ەلگە رەسەيدىڭ جاڭا پرەمەر-ءمينيسترى ميشۋستين كەلدى. قازاقستان كوروناۆيرۋسقا قارسى كۇرەستە قىتايعا قولداۋ كورسەتۋ جونىندە ۇسىنىس جاسادى. مۇنىڭ ءبارى قاتار ءجۇرىپ جاتتى. بۇل - كەزىندە نۇرسۇلتان نازاربايەۆ ەنگىزگەن جانە بۇگىندە قاسىم-جومارت توقايەۆ جالعاستىرىپ وتىرعان كوپۆەكتورلى ساياساتتىڭ جارقىن كورىنىسى»، - دەدى ۆەدومستۆو باسشىسى.
ەسكە سالا كەتسەك، ا ق ش- تىڭ مەملەكەتتىك حاتشىسى مايك پومپەو 1- اقپان كۇنى قازاقستان استاناسىنا كەلدى.
ساپار اياسىندا م. پومپەو ق ر تۇڭعىش پرەزيدەنتى - ەلباسى نۇرسۇلتان نازاربايەۆپەن، قازاقستان پرەزيدەنتى قاسىم-جومارت توقايەۆپەن كەزدەستى جانە ق ر سىرتقى ىستەر ءمينيسترى مۇحتار تىلەۋبەردىمەن كەلىسسوزدەر جۇرگىزدى.
